مونگیر میں کورونا متاثرین کی تعداد پچاس سے تجاوز

پندرہ نئے کورنا مریض ملنے سے مونگیر ضلع میں متاثرین کی تعداد جہاں 52 پہنچ گئی ہے وہیں ریاست بہار کے کل پازیٹیو مریضوں کی تعداد 197 ہوگئی ہے۔

محکمہ صحت کے پرنسپل سکریٹری سنجے کمار نے یہاں بتایا کہ آج شام آئی جانچ رپورٹ میں مونگیر ضلع کے جمال پور میں صدر بازار کی رہنے والی دس خواتین اور پانچ مرد کے وائرس کی زد میں آنے کی تصدیق ہوگئی ہے۔

انہوں نے بتایا کہ دس خواتین و بچیوں کی عمر 10 سال ، 12 سال ، 20 سال ، 23 سال، 30 سال ، 35 سال ، 37 سال اور 38 سال اور پانچ مردوں و بچوں کی عمر 14 سال ، 18 سال ، 30 سال ، 30 اور 46 سال ہے ۔

انہوں نے بتایاکہ مونگیر میں کل پازیٹیو مریضوں کی تعداد بڑھ کر 52 ہو گئی ہے اور بہار میں کل متاثرین کی تعداد 197 پر پہنچ گئی ہے۔