Four Criminals Arrested in Gaya: گیا میں تاجرین سے رنگداری کا مطالبہ کرنے والے گروہ کے چار ارکان گرفتار

موٹرسائیکل شوروم اور محمد جاوید خان کپڑا شوروم سے ہفتہ وصولی کرنے کے دوران فائرنگ کرنے والے بدمعاشوںکو گرفتار کرلیا گیا۔ گیا کے فتح پور بلاک میں رنگداری کا معاملہ منظر عام پر آیا تھا۔ گرفتار بدمعاشوں میں ایک دھنباد کے واسع پور کا شوٹر ٹیپو خان بھی شامل ہے ۔ Arrested for demanding dye money in Gaya

ریاست بہار میں ضلع گیا کے فتح پور میں مجرمانہ واردات کو انجام دینے والے چار بدمعاشوں کو پولیس نے گرفتار کرلیا، ان بدمعاشوں نے گزشتہ روز کپڑا دوکان کے مالک محمد جاوید خان سے بیس لاکھ روپیے رنگداری کا مطالبہ کیا تھا، پیسے نہیں دیے جانے پر جان سے مارنے کی بھی دھمکی دی تھی۔ اس کے علاوہ فتح پورمیں ہی واقع ایک موٹر سائیکل شوروم سے بھی رنگداری کے طور پر رقم مانگی گئی تھی، رقم نہیں دیے جانے پر شوروم میں گولی چلائی گئی جس میں ایک ملازم زخمی بھی ہوگیا۔ Arrested for demanding dye money in Gaya

آج پولیس نے ان بدمعاشوں کو گرفتار کرنے میں کامیابی حاصل کی ہے۔ ایس ایس پی ہرپریت کور نے بتایا کہ فتح پور واقعہ کے ایڈیشنل ایس پی کی قیادت میں پولیس کی خصوصی ٹیم تشکیل دی گئی تھی، جس کے بعد ٹیم نے کاروائی کرتے ہوئے مرتنجے کمار نالندہ، محمد حسین انصاری عرف ٹیپو سلطان دھنباد واسع پور، گوتم کمار شیخپورہ اور روہت کمار نوادہ ضلع کو گرفتار کرلیا۔

ایس ایس پی نے مزید کہا کہ انکے پاس سے آٹھ عدد موبائل فونز، فرضی سیم پانچ عد ، فرضی ادھار کارڈ چارعدد، چاقو دو عدد،دیسی طمنچہ تین عدد، دیسی پسٹل تین عدد اور گولی 28 عدد برآمد ہوئی ہے، یہ تمام افرادکئی مجرمانہ واردات میں شامل تھے۔ اس گروہ کا اہم سرغنہ مرتنجے اور محمد ٹیپو خان ہے، جو گیاضلع کے علاوہ دوسرے اضلاع میں بھی مجرمانہ واردات انجام دیتے تھے، پولیس کافی دنوں سے ان ملزموں کی تلاش میں تھی۔