گیا: بڈکو کمپنی میں آتشزدگی

بہار اربن انفرائسٹرکچر ڈیولپمنٹ کاپوریشن لیمیٹیڈ (بڈکو) کے اسٹور روم میں آگ لگنے سے 110 بنڈل پائپ جل کر راکھ ہوگئے۔

ریاست بہار میں گیا کے بنیاد گنج تھانہ علاقے میں واقع بڈکو کمپنی میں آتشزدگی سے علاقے میں افراتفری مچ گئی۔ اس آتشزدگی میں تقریباً 25 لاکھ روپے کے پائپ جل کر راکھ ہوگئے۔

خدشہ ظاہر کیا جارہا ہے کہ ندی کے کنارے کسی نے سوکھی گھاس کو جلایا، جس کے بعد پائپ لائن میں آگ لگ گئی اور پھر اسٹور روم تک پہنچ گئی۔

متعلقہ فوٹو

مقامی لوگوں اور فائربریگیڈ کے عملے نے سخت مشقت کے بعد آگ پر قابو پایا۔ بڈکو کمپنی کے سینیئر انجینئر آلوک رنجن نے 20 سے 25 لاکھ روپے سامان کا نقصان ہونے کی تصدیق کی ہے۔

ادھر شانتی سمیتی کے صدر ڈاکٹر ارون کمار نے بتایا کہ اگر مقامی لوگوں نے مدد نہیں کرتے تو آگ بنیاد گنج تھانے کو بھی زد میں لے لیتی۔