گیا: ریاست بہار کے مگدھ کمشنری کے جہان آباد ضلع کے کاکو میں واقع مخدومہ بی بی کمال علیہ الرحمہ کے آستانہ پر ملک کے گوشہ گوشہ سے پہنچے عقیدت مندوں نے چادرپوشی کی۔ عرس کا آغاز حسب معمول علی الصباح قرآن خوانی سے ہوا اور اس کے بعد انتظامیہ کی جانب سے چادر پوشی کی گئی۔ Urs Of Hazrat Bibi Kamal
اس موقع پر سجادہ نشیں سیدشاہ صدرالدین احمد نے ریاست میں امن خیرسگالی اور خوشحالی کے فروغ کے لیے دعائیں کی، مخدومہ بی بی کمال کے سالانہ عرس کے پیش نظر آستانہ کو دلکش انداز میں سجایا گیا ہے۔ آج شام کو صوفی فیسٹول کا اہتمام ہوگا جس میں معروف صوفی سنگرز یہاں پہنچیں گے۔ دراصل بی بی کمال علیہ الرحمہ ایک پایہ کی بزرگ ہیں آستانہ بہار صوفی سرکٹ میں شامل ہے اور یہاں انتظامیہ کی دیکھ ریکھ میں عرس کی تقریبات منعقد ہوتی ہیں جبکہ محکمہ سیاحت اور ضلع انتظامیہ کی اشتراک سے صوفی مہوتسو کا ہر برس انعقاد ہوتا ہے۔ وزیراعلی نتیش کمار کی بھی کئی بار یہاں صوفی فیسٹول اور بقیہ مواقع پر آمد ہوچکی ہے۔ Makhdooma Bibi Kamal Urs begins in Gaya