فوقانیہ و مولوی امتحانات کا آج سے آغاز

بہار اسٹیٹ مدرسہ ایجوکیشن بورڈ پٹنہ کے زیر اہتمام فوقانیہ اور مولوی امتحانات کا آج سے آغاز ہو گیا ہے۔

بہار کے ارریہ میں فوقانیہ و مولوی امتحانات کے لیے طلبا اور طالبات بڑی تعداد مختلف سینٹرز پر پہنچ رہے ہیں ، مدرسہ بورڈ کی جانب سے یہ امتحانات دو نشستوں میں منعقد ہو رہا ہے جو ایک فروری تک چلے گا،

ان دونوں امتحانات کے لئے ضلع میں کل 26 سینٹر بنائے گئے ہیں، جس پر 4302 مولوی کے اور8481 فوقانیہ کے طلباء امتحان دے رہے ہیں۔

بورڈ کی جانب سے تمام سینٹر پر مجسٹریٹ تعینات کیے گئے ہیں، جبکہ بہتر نظم و نسق کے لئے ضلع انتظامیہ نے ہر مرکز پر چار پولیس اہلکار تعینات کئے ہیں.

ان امتحانات کے مد نظر مدرسہ اسلامیہ یتیم خانہ کے سینٹر انچارج مولانا شاہد عادل قاسمی نے بتایا کہ امتحان پرامن ماحول میں ہو رہا ہے، کسی بھی طرح کی بدعنوانی سامنے نہیں آئی ہے،آج پہلے دن کے امتحان میں کسی بھی طالب علم کے معطل ہونے کی خبر بھی نہیں ہے۔