اڑیسہ سے غائب ٹرک کیمور میں برآمد

ریاست اڑیسہ سے اترپردیش کے بہراٸچ کے لئے لوہے سے لدا ٹرک اچانک غائب ہونے کے بعد ریاست بہار کےکیمور ضلع کے موہنیاں سے بر آمد ہوا۔

جانکاری کے مطابق لوہے سے لدا ٹرک بہار کے ضلع کیمور سے برآمد کرکے ٹرک کو پولیس نے اپنے قبضے میں لے لیا ہے اور دکان کے مالک کے علاوہ ٹرک ڈراٸیور کو بھی گرفتار کر لیا گیا ہے۔ ایس پی کے حکم پر دکان کو سیز کر دیا گیا۔ دونوں سے پوچھ تاچھ کے بعد جیل بھیج دیا گیا ہے۔
بتایا جا رہا ہے کہ اس کی خبر لگتے ہی ٹرک مالک فرار ہو گیا ہے لیکن پولس نے مالک کو بھی جلد گرفتار کرنے کا دعوی کیا ہے۔
گرفتار ڈراٸیور کا نام محمد سہیل احمد ہے جو موہنیاں کے برکت نگر کا رہنے والا ہے۔
گرفتار دکاندار پنکج کمار بھی موہنیاں کا ہی رہنے والا ہے۔ اس سے متعلق ایس پی کیمور نے بتایا کی اس بابت اڑیسہ کے تھانے میں کیس بھی درج ہے۔