پیپرا کوٹھی بلاک میں مدھوچھاپرا گاؤں کے آنگن واڑی سنٹر کے طلبا اپنی مہم کے ذریعہ بڑوں کو پلاسٹک کے نقصان سے واقف کروارہے ہیں۔
بہار کے ننھے سپاہیوں نے پلاسٹک کے خلاف جنگ چھیڑ دی بچے، گاؤں کے اطراف گھومتے ہوئے سنگل یوز پلاسٹک کے خلاف نعرہ لگاتے ہیں جبکہ ان کے ہاتھوں میں پلاسٹک کے نقصانات سے متعلق پلے کارڈ ہوتے ہیں۔
بچوں کی جانب سے چلائی جارہی مہم کا اثر گاؤں کے بڑوں لوگوں پر ہوا ہے جس کے نتیجہ میں سنگل یوز پلاسٹک کے استعمال میں کافی کمی آئی ہے۔
گاؤں کے ایک شخص رام نارائن پانڈے نے بتایا کہ بچوں کی جانب سے لگائے جارہے نعرے کافی متاثر کن ہے جبکہ ان نعروں کی وجہ سے ہم لوگ پلاسٹک کے نقصانات سے واقف ہوئے ہیں۔
آنگن واڑی سنٹر کے اساتذہ جہاں ایک طرف بچوں کو پلاسٹک کے نقصانات سے آگاہ کرارہے ہیں وہیں دوسری جانب گاؤں والوں کو بھی پلاسٹک کے نقصانات سے واقف کیا جارہا ہے۔
سنٹر میں اساتذہ، بچوں کو ماحولیات پر پلاسٹک کے برے اثرات کے بارے میں بتارہے ہیں اور بچے اپنے گھر جاکر والدین کو پلاسٹک کے نقصانات سے متعلق جانکاری دے رہے ہیں۔
آنگن واڑی سنٹر کی ڈائرکٹر ودیانتی دیوی نے بتایا کہ جب والدین سنٹر کو آتے ہیں تو انہیں بھی سنگل یوز پلاسٹک کے مضراثرات کے بارے میں بتایا جاتا ہے۔
ریاست میں سنگل یوز پلاسٹک پر عائد پابندی کے باوجود عام لوگ اس کی خلاف ورزی کرتے دکھائی دیتے ہیں جبکہ بچوں کی پلاسٹک سے متعلق مہم کا گاؤں میں اچھا اثر دکھائی دے رہا ہے اور یہاں بڑے لوگ بھی پلاسٹک کے استعمال سے پرہیز کر رہے ہیں۔
