دیسی شراب کے 150 کارٹون برآمد

بہار میں ویشالی ضلع کے لال گنج تھانہ علاقے کے کھجولی گاؤں سے پولیس نے دیسی شراب کے تقریباً 150 کارٹون برآمد کرنے کا دعویٰ کیا ہے۔

پولیس ذرائع کے مطابق کھجولی گاؤں کے رہنے والے اور شراب کا کاربارکرنے والے گڈو رائے کی جھونپڑی میں کل دیر رات چھاپہ مارا گیا۔ اس دوران چھونپڑی میں چھپا کر رکھے گئے دیسی شراب کے 150 کارٹون برآمد کئے گئے۔ یہ شراب ہریانہ میں تیار کی گئی تھی۔

ذرائع نے بتایا چھاپہ پڑنے کی اطلاع ملتے ہی گڈو فرار ہوگیا۔

تاہم پولیس نے اس کی گرفتاری کے لئے چھاپے مارنے کی کاروائی شروع کی ہے۔