ریاست میں آسمانی بجلی کا قہر جاری ہے جبکہ ہر روز بجلی گرنے سے مرنے والوں کی تعداد میں اضافہ ہوتا جارہا ہے۔
آج بجلی گرنے سے ارریہ میں 4، بانکا اور کشن گنج میں ایک ایک شخص ہلاک ہوگیا۔ وزیراعلیٰ کی جانب سے شام کو جاری کئے گئے ایک بییان میں بتایا گیا کہ بجلی گرنے سے ہلاک افراد کے ورثا کو 4-4 لاکھ روپے معاوضہ دیا جائے گا۔
نتیش کمار نے بجلی گرنے کے حادثہ پر شدید رنج و غم کا اظہار کرتے ہوئے مہلوکین کے ارکان خاندان سے ہمدردی کا اظہار کیا ہے۔ انہوں نے کہا کہ مصیبت کی اس گھڑی میں وہ ان کے ساتھ ہیں۔
انہوں نے بلا تاخیر مہلوکین کے اہل خانہ کو 4-4 معاوضہ دینے کی ہدایت دی۔ وزیراعلیٰ نے عوام سے احتیاط برتنے کی اپیل کی اور کہا کہ محکمہ ڈیزاسٹر منیجمنٹ کی جانب سے دی گئی ہدایات پر عمل کریں اور خراب موسم کے دوران گھروں میں ہی رہیں۔