دربھنگہ کے کیوٹی اسمبلی سے آر جے ڈی کے رکن اسمبلی ڈاکٹر فراز فاطمی کے متعلق ایک ہندی روز نامہ میں گزشتہ 17 فروری کے شمارے میں ایک خبر شائع کی گئی تھی کہ ڈاکٹر فراز فاطمی این آر سی کے خلاف چلائی جارہی تحریک کے سخت خلاف ہیں۔
اس خبر کے برعکس دربھنگہ سول کورٹ کے سابق سرکاری وکیل انل کمار سنگھ نے رکن اسمبلی فراز فاطمی کی جانب سے بروز منگل 18 فروری کو اس روزنامہ ہندی اخبار کے ایڈیٹر اور کارگزار ایڈیٹر اور پبلیشر کو لیگل نوٹس جاری کیا ہے جس میں انہوں نے ان تینوں سے کہا ہے کہ آپ کے اخبار میں جو گزشتہ 17 فروری کو رکن اسمبلی فراز فاطمی سے وابستہ خبر شائع ہوئی تھی وہ بے بنیاد اور سرا سر جھوٹی ہے۔
اس لیے آپ اس خبر کی مزمت کرتے ہوئے معافی نامہ کے ساتھ خبر شائع کریں، اور اگر آپ نے اس لیگل نوٹس کا جواب نہیں دیا تو آپ پر ہتک عزت کا مقدمہ درج کرایا جائے گا -