کیمور: پرائیوٹ نرسنگ ہوم سیل

ریاست بہار کے ضلع کیمور کے درگاٶتی بلاک ہیڈ کوارٹر میں ایک پراٸیوٹ نرسنگ ہوم کو سول سرجن کیمور نے جانچ کے بعد سیل کردیا ہے۔

سول سرجن کی اس کاروائی سے درگاٶتی کے دیگر غیر رجسٹرڈ اور غیر قانونی نرسنگ ہوم کے ڈاکٹروں میں ہلچل مچ گئی ہے۔ سول سرجن کو دیکھتے ہوئے کئی نجی نرسنگ ہوم کے آرگنائزر فرار ہوگئے ہیں۔

موصولہ اطلاع کے مطابق دس دن قبل درگاٶتی تھانہ حلقہ کے دہی آٶں کے درگا دیوی کو اہل خانہ نے آیوش اینڈ فریکچر کلینیک میں داخل کرایا تھا ۔جہاں علاج کے دوران بچہ اور اس کی ماں دونوں کی موت ہوگئی تھی۔

کیمور: پرائیوٹ نرسنگ ہوم سیل

اس معاملہ کی شکایت ملنے پر سول سرجن نے کل جانچ کی تھی۔جانچ کے دوران ہاسپٹل کے ڈاکٹر اور آرگناٸزر فرار ہو گئے تھے۔

اس دوران سول سرجن نے پورے علاقہ میں غیر قانونی نرسنگ ہوم کو اس سے متعلق ہدایت بھی جاری کی تھی۔سول سرجن نے جانچ کے دوسرے دن آج درگاٶتی پہونچ آیوش ہاسپٹل کو سیز کر دیا ہے۔سول سرجن کے ساتھ درگاٶتی بلاک کے ترقیاتی افسر بھی موجود تھے۔