اس تعلق سے پلازمہ ڈونیٹ کرنے والے ضلع کے ڈی آر ڈی اے ڈائریکٹر اروند کمار سمیت پانچ لوگوں کی حوصلہ افزائی کی گئی اور انہیں اعزاز سے نوازا گیا۔
ڈی ایم کیمور نے اپیل کرتے ہوئے کہا کہ جو لوگ بھی کورونا وائرس سے جنگ جیت کر واپس لوٹے ہیں۔ وہ اپنا پلازمہ ڈونیٹ کرنے کے لیے آگے آئیں کیونکہ ایک آدمی کے پلازمہ ڈونیٹ سے چار لوگوں کی زندگی بچائی جا سکتی ہے۔
ڈی آر ڈی اے ڈائریکٹر اروند کمار نے کہا جب ریاست میں باہر سے مہاجر مزدور اپنے وطن کو واپس لوٹ رہے تھے تب ہی ان کی ڈیوٹی ضلع کے کرمناشا شاہراہ پر لگائی گئی تھی، چونکہ کرمناشا قومی شاہراہ اترپردیش اور بہار جوڑتا ہے اور مزدور اس راستے سے بڑی تعداد میں آرہے تھے تب ہی ڈیوٹی کے دوران وہ کورونا وائرس سے متاثر ہوگئے تھے۔
انھوں نے مزید کہا کہ پٹنہ میں ان کا علاج کیا گیا جہاں چند دنوں بعد ان کی رپورٹ نگیٹیو آئی اور وہ صحتیاب ہوکر اپنے گھر لوٹ گئے اس دوران پٹنہ میں ہی انھوں نے اپنا پلازمہ کو ڈونیٹ ک دیا تاکہ دیگر لوگوں کی بھی زندگی بچائی جا سکے۔