کیمور: پاسکو ایکٹ کے تحت نامزد ملزم یوپی سے گرفتار

کیمور میں کافی دنوں سے فرار چل رہے پاسکو ایکٹ کے ایک ملزم کو پولیس نے یوپی سے گرفتار کیا ہے۔ جس کے خلاف کیمور کے نوآٶں تھانہ میں کیس درج تھا۔

کیمور پولیس پاسکو ایکٹ معاملے میں ملزم کی گرفتاری کے لیے کافی دنوں سے تعینات تھی، اطلاع کے مطابق مفرور ملزم کو یوپی کے غازی پور سے گرفتار کیا گیا ہے۔

اس سلسلے میں تھانہ افسر سنت کمار سنگھ نے بتایا کہ گرفتار ملزم نند کشور نشاد ولد راج نارائن نشاد گاؤں مال پورہ پوسٹ دھرم پو، تھانہ کانڈوا، ضلع غازی پور، اترپردیش کا رہائشی ہے۔

واضح رہے گرفتار ملزم پر کیمور کے نوآٶں تھانہ میں پاسکو ایکٹ کے تحت 376 آئی پی سی کی دفعہ میں نامزد تھا۔