گرفتار کیا گیا گانجا اسمگلر ببلو شاہ بہار کے ضلع کیمورکے چاند تھانہ علاقے کے گورام پور گاؤں کا رہنے والا ہے۔ پولیس نے گانجا ضبط کرکے اسمگلروں کے پورے نیٹ ورک کو مسمار کرنے کا منصوبہ تیار کیا ہے۔
حال ہی میں موہنیا، چین پور، درگاوتی، چاند وغیرہ علاقوں سے کئی کوئنٹل گانجا و بھانگ ضبط کیا گیا تھا۔
پولیس سپرنٹنڈنٹ دلنواز احمد نے بتایا کہ گرفتار اسمگلر کی نشاندہی پر اسمگلر پرمود شرما کی گرفتاری کے لیے چھاپہ مارا گیا۔ تاہم وہ فرار ہوگیا، ملزم کے بقیہ ساتھیوں کی گرفتاری کے لیے تیزی سے چھاپے مارے جارہے ہیں۔
ایس پی نے بتایا کہ رام گڑھ پولیس نے ماضی میں ایک کوئنٹل بھانگ اور تین لاکھ روپے برآمد کیے تھے۔ موہنیا اور درگاوتی سے ایک کوئنٹل بھانگ بھی برآمد ہوئی ہے۔ درگاوتی کی نئی کالونی کے موتی رام، تھانہ سونھن کے بڈکی میریاں کے کملیش پرساد کیسری کو بھی گرفتار کیا گیا۔
اسمگلروں کے ساتھی مدن سنگھ اور ہوسٹل سنگھ واقعے سے فرار ہوگئے جن کی گرفتاری کے لیے چھاپے مارے جارہے ہیں۔