چین پور کے اطراف 5 کلو میٹر تک کا علاقہ ریڈ زون

ریاست بہار کے ضلع کیمور کے چین پور علاقے کے آٹھ افراد کی مثبت رپورٹ کی اطلاع موصول ہونے کے بعد انتظامیہ کی جانب سے چین پور کے آس پاس پانچ کلومیٹر کے علاقے کو ریڈ زون قرار دیا گیا ہے۔

صرف امدادی کاموں سے وابستہ افراد کو ہی اس علاقے میں داخل ہونے کی اجازت دی گئی ہے جس میں صحت کے کارکنان ، بینک ورکرز ، انتظامی عملہ اور میڈیا کے افراد شامل ہیں۔

ضلع انتظامیہ نے اس سے متعلق خصوصی ہدایات بھی جاری کی ہیں۔ جس کے مد نظر خصوصی حالات میں انہیں جاری کردہ پاس کی بنیاد پر ہی اس علاقے میں داخل ہونے کی اجازت ہوگی۔ قواعد کی سختی سے پابندی کو یقینی بنانے کے لیے ریڈ زون کے علاقے میں مجموعی طور پر 9 رکاوٹیں بنائی گئی ہیں۔ جس میں تین شفٹوں میں تین مجسٹریٹ اور اہلکاروں کو تعینات کیا گیا ہے۔

اس میں کیوا کینال سے مغرب جانے والا راستہ شمال روڈ دلہارا گاؤں تک ، مغرب کا راستہ بھوال پور گاؤں تک ، ہرسو برہم کا مرکزی دروازہ ، چین پور پولیس اسٹیشن کے قریب سے جگاریہ روڈ ، چین پور میں مانیکدہ پوکھرا پر ، شیر پور گاؤں کے بغل والے راستے بھی شامل ہے۔ مین روڈ سے ، نوگھرا عیدگاہ مین روڈ بھوالپور سرائے مین روڈ میں تعینات تمام مجسٹریٹس کو ہدایت کی گئی ہے کہ وہ بغیر ضروری اور ضروری کام کے گزرنے واکے کسی بھی قسم کے فرد ، یا گاڑی کو حدود کے اندر داخل ہونے کی اجازت کسی حالت میں نہ دیں ساتھ ہی جو شخص خلاف ورزی کرتا ہے اس پر ایف آئی آر درج کر کے کارروائی کی جائے گی۔