ریاست بہار کے ضلع کیمور میں 18 جنوری سے لیکر 19 فروری تک روڈ سیفٹی پروگرام کا انعقاد عمل میں لایا جارہا ہے۔ 32 واں روڈ سیفٹی مہینہ منانے کے لئے کلکٹریٹ میں ضلع مجسٹریٹ نودیپ شکلا کی صدارت میں ایک بیٹھک کا اہتمام کیا گیا۔ بیٹھک میں ہدایت کی گئی کہ ضلعی ایجوکیشن آفیسر، روڈ سیفٹی کو لیکر اسکولس اور کالجوں میں طلباء کے درمیان شعور بیداری پیدا کرنے کے ضمن میں کام کریں۔
ضلع مجسٹریٹ کی صدارت میں روڈ سیفٹی پروگرام کا اجلاس: حادثات سے بچنے اور حفاظتی تدابیر پر تبادلہ خیال جبکہ محکمہ صحت صدر اسپتال اور پی ایچ سی کے ذریعے ڈرائیوروں کے ہیلتھ چیک اپ اور آنکھوں کی جانچ پڑتال کے لیے کیمپ لگاۓ۔ ساتھ ہی ریڈ کراس اور ڈسٹرکٹ صدر اسپتال میں خون کے عطیہ کیمپ کا انعقاد کیا جاۓ۔ میٹنگ میں طے کیا گیا کہ پہلے ہفتہ میں ڈرائیوروں کی آنکھوں کی جانچ کے بعد چشمے تقسیم کیے جائیں۔ اسی کے ساتھ عام لوگوں اور پولیس اہلکاروں کی تربیت کے لیے پروگرامس کا انعقاد بھی کیا جاۓ۔
ضلع مجسٹریٹ کی صدارت میں روڈ سیفٹی پروگرام کا اجلاس: حادثات سے بچنے اور حفاظتی تدابیر پر تبادلہ خیال محکمہ روڈ کنسٹرکشن کو ہدایت دی گئی کہ حادثات والی جگہ کو نشان زد کیا جائے۔ ایسے مقامات پر حفاظتی بورڈ لگاۓ جاٸیں۔ جبکہ ضلعی محکمہ ٹرانسپورٹ فٹنس کیمپ کا انعقاد کرے گا، گاڑیوں کی بھی چیکنگ کی جائے گی۔ پی یو سی کی تحقیقاتی مہم بھی چلائی جائے گی۔ نیشنل ہائی وے پر پریشر ہارن، ملٹی ٹون ہارن اور شاہراہوں وغیرہ سے متعلق گاڑیوں کی جانچ، اجازت نامہ خصوصی چیک ڈرائیو، نمبر پلیٹ اور فینسی نمبر پلیٹ وغیرہ کی بھی جانچ کی جاۓ۔
ضلع مجسٹریٹ کی صدارت میں روڈ سیفٹی پروگرام کا اجلاس: حادثات سے بچنے اور حفاظتی تدابیر پر تبادلہ خیال این سی سی کی جانب سے روڈ سیفٹی مارچ نکال کر لوگوں کو بیدار کیا جائے گا۔ متعلقہ پولیس اسٹیشن اپنے اپنے مقامات پر روڈ سیفٹی کے دوران خصوصی آپریشن چیکنگ بھی شروع کریں گے۔ خبر کے مطابق، 32 واں روڈ سیفٹی مہینہ 18 جنوری سے 19 فروری تک جاری رہے گا۔ جس میں متعدد پروگرام مختلف مقامات پر منعقد ہوں گے۔ 18 جنوری کو ضلع روڈ سیفٹی کو منانے کے لئے، فلیگ مارچ کا افتتاح ایم پی، ایم ایل اے، ضلعی مجسٹریٹ، سپرنٹنڈنٹ پولیس سمیت لوگوں کی موجودگی میں مختلف مقامات پر کیا جائے گا اور روڈ سیفٹی مارچ پر ضلعی روڈ سیفٹی کمیٹی کے عہدیداروں کے ذریعہ سیفٹی مارچ نکالا جائے گا۔ اس موقع پر ڈسٹرکٹ مجسٹریٹ نودیپ شکلا، سپرنٹنڈنٹ پولیس راکیش کمار، ڈی ڈی سی کمار گورو، ڈی ٹی او رام بابو، ایم وی آئی پرکاش اور دیگر عہدیدار بھی موجود تھے۔
ضلع مجسٹریٹ کی صدارت میں روڈ سیفٹی پروگرام کا اجلاس: حادثات سے بچنے اور حفاظتی تدابیر پر تبادلہ خیال
