سیمانچل حلقہ کے جے ڈی یو کے انچارج کامکھیا نارائن سنگھ نے کہا کہ 'آئندہ اسمبلی انتخابات میں این ڈی اے پوری مضبوطی کے ساتھ میدان میں اترے گی۔'
انہوں نے کہا کہ 'جے ڈی یو کارکنان عوام کے درمیان جا کر نتیش کمار کے کاموں کو بتائیں۔'
یہ تقریب نئے منتخب ہوئے بلاک کے تمام صدور و سکریٹری کے اعزاز میں ضلع پریشد کے سبھا بھون میں منعقد ہوئی۔
ضلع پریشد کی سابق چیئرمین شگفتہ عظیم نے کہا کہ 'نتیش کمار کے کام کا کوئی مقابلہ نہیں ہے، انہوں نے بہار کی ترقی کے لیے کبھی کوئی سمجھوتہ نہیں کیا، آج بہار میں بجلی، پانی، سڑک کی فراوانی ہے، یہ سب پندرہ سال قبل کہاں تھا۔' انہوں نے کہا کہ 'اگر کوئی نتیش کمار پر انگلی اٹھائے تو کارکنان کی ذمہ داری ہے کہ ایسے لوگوں کو جواب نتیش کمار کے کام گنا کردیں۔'
ضلع پریشد کے چیئرمین آفتاب عظیم عرف پپو عظیم نے کہا کہ 2020 کا ریاستی انتخاب بڑا اہم ہونے والا ہے، یہ انتخاب ملک کو آگے لے جانے میں اہم کردار ادا کرے گا، اس لیے کارکنان ابھی سے ہی اپنے اپنے حلقوں میں پھیل جائے اور لوگوں سے رابطہ کرکے نتیش کمار کے کام کو سامنے رکھیں۔
بلاک سطح سے لے کر پنچایت سطح تک لوگوں کو جوڑیں۔ پروگرام کی صدارت ارریہ اسمبلی حلقہ کے انچارج پروین کمار ببلو نے کی جبکہ نظامت کے فرائض بلاک صدر اپیندر منڈل نے انجام دیئے۔