ایک طرف تو وزیر اعلی نتیش کمار کی پارٹی جے ڈی یو نے آرٹیکل 370 ہٹانے کی مخالفت کی تو وہیں دوسری طرف اس کے ہی پارٹی کے دربھنگہ کے حیا گھاٹ اسمبلی حلقہ سے رکن اسمبلی امرناتھ گامی نے بی جے کے 'ایک ملک ایک آئین' اور 'جن جاگرن' پروگرام میں شرکت کی۔
مرکزی وزیر دفعہ 370 کی منسوخی کے سوال پر بچ کر نکل گئے
اس پروگرام میں بی جے پی کے رہنما اور مرکزی وزیر مملکت محکمہ داخلہ نتیا نند رائے بھی شامل تھے۔
اس پروگرام کے بعد جے ڈی یو کے رکن اسمبلی امرناتھ گامی سے میڈیا نے سوال کیا کہ آپ جے ڈی یو کے رکن اسمبلی ہیں اور بی جے پی کے پروگرام میں شرکت کی ہے وہ بھی ایسے پروگرام میں جس میں آرٹیکل 370 ہٹانے کے جے ڈی یو پارٹی خلاف ہے۔ اس سوال کے جواب میں انہوں نے کہا کہ اگر کوئی خواب پورا ہوتا ہے تو اس خواب کے پورے ہونے کی خوشی کے پروگرام میں اگر شریک نہیں ہوں تو لگتا ہے کہ ان کا خواب ادھورا رہ گیا ہے۔
انہوں نے مزید کہا کہ لازمی طور پر میری زندگی کامیاب ہو گئ کیونکہ جو میرا جو خواب تھا وہ پورا ہو گیا ہے اور اسی لیے میں بی جے پی اور آر ایس ایس سے جڑا تھا۔ میں جے ڈی یو پارٹی کا ابھی قانونی طور پر رکن اسمبلی ہوں۔ چار پانچ سال پہلے میں بھائی سے جھگڑا کر کے گھر چھوڑ کر جدیو پارٹی میں گیا تھا لیکن گھر چھوڑ کر جس جدیو پارٹی میں شامل ہوا وہ جدیو پارٹی خود بی جے پی کے ساتھ آگئ تو اس طرح میں اپنی پارٹی بی جے کے ساتھ آگیا۔ مجھے جدیو پارٹی نے اپنے گھر میں واپس لا دیا۔ میں شروع سے ہی بی جے پی کا ہوں۔ مجھے اپنے گھر میں اپنے بھائی ماں باپ سے ملا دیا گیا۔ بھلا اب میں اپنے گھر کو کیسے چھوڑ سکتا ہوں۔ اس ملانے کے لیے میں نتیش کمار کا دل سے احسان مند ہوں اور وہ بھی این ڈی اے کا حصہ ہیں اور اسی طرح بہار کی ترقی کرتے رہیں میری دلی خواہش ہے-