'گری راج کا بس چلے تو سب کو پاکستان بھیج دیں گے'

جے این یو طلبہ یونین کے سابق صدر اور بیگو سرائے پارلیمانی حلقے سے کمیونسٹ پارٹی آف انڈیا کے امیدوار ڈاکٹر کنہیا کمار کی حمایت میں معروف نغمہ نگار جاوید اختر بیگو سرائے پہنچے اور لوگوں سے انہیں فتحیاب کرانے کی اپیل کی۔

سی پی آئی کے امیدوار کنہیا کمار کی حمایت میں ملک بھر سے سرکردہ شخصیات بیگو سرائے پہنچ رہی ہیں۔

معروف نغمہ نگار جاوید اختر

لوگوں سے خطاب کرتے ہوئے جاوید اختر نے کہا کہ :' آج ملک میں جس طرح کے حالات پیدا ہوئے ہیں انہیں بدلنے اور جمہوریت کے تحفظ کے لیے کنہیا کا جیتنا ضروری ہے۔ اس لیے آپ انہیں منتخب کریں'۔

انہوں نے گری راج سنگھ پر تنقید کرتے ہوئے کہا کہ :' 2014 میں نریندر مودی کو 31 فیصدی ووٹ ملے تھے، اس طرح گری راج کا بس چلے تو وہ بقیہ 69 فیصدی ووٹرز کو پاکستان بھیج دیں'۔

جاوید اختر کے ساتھ سوراج انڈیا کے سربراہ یوگیندر یادو بھی اس پروگرام میں شامل ہوئے۔