احتجاج میں مختلف مکتب فکر و تنظیموں کے ذمہ داران نے شرکت کی اور اس قانون کے خلاف آواز بلند کی۔
اس احتجاج سے خطاب کرتے ہوئے جن ادھیکار پارٹی کے ضلع صدر امتیاز انیس عرف لڈو نے کہا کہ مرکزی حکومت اس قانون کو لا کر ملک کو توڑنے کی کوشش کر رہی ہے، یہ حکومت اپنی ناکامی چھپانے کے لیے اس طرح کے قانون لائی ہے تاکہ عوام مہنگائی، بے روزگاری، کسان خود کشی کے خلاف سوال نہ کرے اور اس میں الجھا کر رکھے۔
مہمان خصوصی کی حیثیت سے شریک ہوئے امارت شرعیہ پٹنہ کے نائب ناظم مفتی سہراب عالم ندوی نے کہا کہ جو وزیر داخلہ اس قانون پر ایک قدم پیچھے ہٹنے کو تیار نہیں تھے اب وہ بات کرنے کی دعوت دے رہے ہیں۔
اس موقع پر خواتین بھی کثیر تعداد میں موجود تھی جو مسلسل اس قانون کی مخالفت میں سڑکوں پر ہے. اس احتجاجی جلسہ سے قاضی شہر مفتی عتیق اللہ رحمانی ، شہباز عالم، ثاقب عثمانی، ستیش کمار، فیروز عالم، طارق شہزاد وغیرہ نے بھی خطاب کیا۔