بہار: شرجیل امام کا بھائی پولیس حراست میں

این آر سی کے تعلق سے شرجیل امام نے متنازع بیان دیا تھا تاہم وہ پولیس کی گرفت سے باہر ہے جبکہ جہان آباد پولیس نے ان کے بھائی کو حراست میں لیا ہے۔

جواہر لعل نہرو یونیورسٹی کے طالب علم شرجیل امام نے گزشتہ روز این آر سی کے تعلق سے متنازع بیان دیا تھا جس کے بعد سے پولیس انہیں تلاش کر رہی ہے۔

تاہم جہان آباد پولیس نے ان کے بھائی کو حراست میں لے لیا ہے۔

بشکریہ ٹویٹر

شرجیل امام کے سوشل میڈیا پر وائرل مبینہ ویڈیو میں آسام کو بھارت سے الگ کرنے کی بات کہی گئی ہے جس کے بعد ان کے خلاف علیگڑھ اور آسام میں ملک مخالف بیان بازی کرنے کے معاملے میں مقدمہ درج ہوا ہے۔

پولیس نے انہیں تلاش کرنے کے لیے گزشتہ روز ان کے گھر پر چھاپہ ماری کی کاروائی کی تھی لیکن شرجیل امام نہیں ملا تھا۔