'سبھی اسپتالز میں آئسولیشن وارڈ مہیا کیا جائے'

بہار کے وزیراعلی نتیش کمار نے سبھی اسپتالز میں آئسولیشن وارڈ میں اضافہ کرنے کی ہدایت دی ہے۔

بہار کے وزیراعلی نتیش کمار نے اعلیٰ افسران کے ساتھ ایک اہم اجلاس کے دوران ہدایت دیتے ہوئے کہا کہ 'کورونا انفکشن کا اثر ختم کرنے کے لیے باریکی سے ٹریسنگ (متاثرین کی پہچان) کی جائے اور تمام اسپتالز میں آئسولیشن وارڈ میں اضافہ کیا جائے'۔

وزیر اعلی نتیش کمار نے اپنے افسران کو ہدایت دیتے ہوئے کہا ہے کہ 'ضرورت مندوں کی ہرممکن مدد کی جائے. گھر گھر اسکینگ مہیم کے دوران ریاست میں کورونا مثبت مریضوں کی تعداد میں اضافہ ہو رہا ہے'.

واضح رہے کہ گزشتہ 24 گھنٹوں کے درمیان ان 29 نئے معاملے سامنے آئے ہیں جس کے بعد یہاں مثبت مریضوں کی کل تعداد147 ہوگئی ہے.

وزیر اعلی نتیش کمار یار کورونا سے پیدا ہوئے حالات کے ہر پہلو پر مسلسل نظر رکھ رہے ہیں لگاتار وہ افسران کے ساتھ جائزہ میٹنگ کر رہے ہیں۔

وزیراعلیٰ نے افسران کو ہدایت دیا ہے کہ کورونا انفیکشن کا اثر توڑنے کے لئے باریکی سے کانٹیکٹ ٹریسنگ کی جائے. محکمہ صحت اس کی پوری تیاری رکھے اور اور باریکی سے مانیٹرنگ کرے'.

انہوں نے کہا کہ اس کام میں کسی بھی طرح کی کوتاہی نہ برتی جائے.

وزیراعلی نے کہا کہ کورونا مثبت معاملوں میں کچھ اضافہ ہو رہا ہے. اس سے گھبرانے کی ضرورت نہیں ہے. کئی معاملے ایک ہی متاثرہ شخص کے رابطے میں آنے سے بڑھے ہیں'.

وزیراعلی نے کہا کہ 'افسران پوری سنجیدگی کے ساتھ لوگوں کے مسائل پر غور کرے اور انہیں فوری طور پر مدد پہنچائے کی ہر ممکن کوشش کریں'.

وزیر اعلی نتیش کمار نے عوام سے اپیل کی کہ لاک ڈاؤن کی پابندی سنجیدگی کے ساتھ کریں۔

اس سے کورونا انفکشن کے چین کو توڑنے میں مدد ملے گی. لوگ اس میں تعاون کریں اور اپنی اسکریننگ کرائیں. جنہیں انفکشن کا ذرا سا بھی شبہ ہو وہ متحرک ہوکر جانچ کرائیں۔ اپنی ٹریول ہسٹری بتائیں'۔

انہوں نے لوگوں سے اپیل کی کہ 'صحت ملازمین اور فرنٹ لائن ورکرز اہم کردار نبھا رہے ہیں ہم سب کا فرض ہے کہ ان کے ساتھ نرمی اور خوش دلی سے پیش آئیں'