' بلا تفریق ارریہ کے لیے ترقیاتی کام کروں گا'

ریاست بہار کے ضلع ارریہ مں کثیر ووٹوں سےجیت درج کرنے والے بی جے پی کے نو منتخب رکن پارلیمان پردیپ کمار سنگھ نے اپنا پہلا انٹرویو ای ٹی وی بھارت کو دیا۔

سترویں پارلیمانی حلقہ کے تحت آئے نتائج سے جہاں این ڈی اے کنبہ جشن منا رہا ہے وہیں دوسری جانب ارریہ سے جیت درج کرنے والے بی جے پی کے نو منتخب رکن پارلیمان پردیپ کمار سنگھ کے حمایتی خیمہ میں خوشی کی لہر ہے اور ان کی رہائش گاہ پر مبارکباد دینے والوں کا تانتا لگا ہوا ہے۔

صبح سے ہی بی جے پی کارکنان مٹھائی اور گلال لے کر وارڈ نمبر آٹھ واقع نو منتخب رکن کے گھر پہنچ کر مبارکباد پیش کر رہے ہیں۔ رکن پارلیمان آج دہلی کے لئے روانہ ہوگئے۔ پردیپ کمار سنگھ راجد کے سرفراز عالم کو ایک لاکھ 37 ہزار کے بڑے فرق سے سکشت دی ہے۔ لگاتار دو بار پردیپ کمار سنگھ کو ہار کا سامنا کرنا پر رہا تھا اس لئے اس جیت سے کافی خوش ہیں۔

دہلی جانے سے قبل ای ٹی وی بھارت سے خصوصی گفتگو کرتے پردیپ کمار سنگھ نے کہا کہ' میں ارریہ کی تمام عوام کا شکریہ ادا کرتا ہوں اور انہیں مبارکباد پیش کرتا ہوں کہ انہوں نے مجھ پر اعتماد کرتے ہوئے رکن پارلیمان بنایا۔'

انہوں نے کہا کہ ' جس نے مجھے ووٹ کیا اور جس نے نہیں کیا بلاتفریق میں سبھی کا ایم پی ہوں اور سبھی کو ساتھ لے کر چلنے میں یقین رکھتا ہوں اور ترقیاتی کام بھی سبھی کے ہوں گے'۔

پردیپ کمار نے کہ' مرکز میں مودی حکومت پہلے سے زیادہ مضبوطی سے آئے گی کیونکہ بھارتی عوام سمجھ گئی ہے دشمنوں کو اگر کوئی منھ توڑ جواب دینے والا ہے تو وہ صرف مودی جی ہی ہیں'۔

ایک سوال کے جواب میں پردیپ کمار نے کہا کہ شکست کھانے کے بعد جو لوگ اپنی ہار قبول نہ کر ای وی ایم اور دوسری چیزوں پر سوال کھڑا کر رہے ہیں وہ عوام کے فیصلے کا احترام نہیں کر رہے، عوام نے ایسے لوگوں کو ان کے نکمے پن کا جواب دیا ہے۔اب میں ارریہ کا پوری طرح سے ترقی کے راستے پر لے جاؤں گا'۔