مظفرپور: بے قابو ٹرک نے لی پانچ بچوں سمیت 6 لوگوں کی جان

بہار کے مظفرپور ضلع کے سریا تھانہ میں ایک بے قابو ٹرک نے گھر میں سوئے پانچ بچوں سمیت چھ لوگوں کی جان لے لی ہے۔ حادثے سے پورے علاقے میں کہرام مچا ہے۔

بہار کے مظفرپور ضلع میں تیز رفتاری (Muzaffarpur Road Accident) کے قہر نے پانچ بچوں سمیت نوجوان کو موت کی نیند سلا دیا۔

جانکاری کے مطابق حادثہ سریا تھانہ علاقہ کے مظفرپور چھپرا شاہراہ کے نزدیک موجود سہدانی گاؤں (Sahdani Village) کا ہے۔ یہاں دیر رات سڑک حادثے میں پانچ بچوں (Death Of Children) سمیت ایک نوجوان کی موت ہوگئی۔ لاش کو پولس نے قبضے میں لے کر پوسٹ مارٹم کے لئے ہسپتال بھیج دیا ہے۔

حادثہ اس وقت ہوا جب سبھی بچے کھاکر اپنے گھر میں سوئے ہوئے تھے، تبھی سڑک سے گزر رہا ایک بے قابو تیز رفتار ٹرک سیدھے گھر سے ٹکراکر اندر داخل ہوگیا۔ جس سے گھر میں سوئے چار بچوں کی کچل کر موقع پر ہی موت ہوگئی جب کہ مکان کے دوسرے حصے میں سوئے تین دیگر بچے زخمی ہوگئے۔

حادثے میں مارے گئے بچوں میں انیتا کماری (5) منیشا کمار (6)، گولو کمار اور درگا کماری (5) شامل ہیں۔ وہیں جائے حادثہ سے برآمد ایک نوجوان کی لاش کی پہنچان نہیں ہو پائی ہے۔ حادثے سے پورے علاقے میں کہرام مچ گیا اور چیخ و پکار شروع ہوگئی۔

حادثے کی خبر ملتے ہی موقع پر پہنچی سریا بی ڈی او، ایس ڈی پی او اور تھانہ صدر نے بچوں کی لاشوں کو ٹرک کے نیچے سے باہر نکال کر ایس کے ایم سی ایچ بھیجا۔

اس حادثے کی تصدیق کرتے ہوئے ایس ڈی او مغربی ڈاکٹر انل کمار داس نے فون پر بتایا کہ موقع پر 4 بچوں کی موت ہوئی ہے، جب کہ ایک کی موت ہسپتال لے جانے کے دوران ہوئی ہے۔ پولیس معاملے کی تفتیش کررہی ہے۔