ارریہ: ضلع ہیڈ کوارٹر سے ہونے والے ویڈیو کانفرنسگ کا جائزہ لینے پہنچے آئی جی

آئی جی ونود کمار نے ضلع کے تمام اعلیٰ افسران کو بتایا کہ ریاست ہیڈ کوارٹر سے ہر ہفتے 10 اہم نکات پر آپ سے پوچھا جائے گا جس کی تیاری پہلے کر کے رکھنی ہوگی۔

ریاست بہار کے ضلع ارریہ میں ریاستی محکمہ پولس ہیڈ کوارٹر اب ہر ہفتے ریاست کے تمام اضلاع کا ویڈیو کانفرنسگ کے ذریعہ وہاں کے حالات، نظم و نسق اور مقدمات کا جائزہ لے گی تاکہ ضلع انتظامیہ مسلسل حرکت میں نظر آئے اور بغیر کسی تاخیر کے زیر التوا معاملوں کا بروقت حل کیا جاسکے۔
اسی ضمن میں پورنیہ کمشنری کے آئی جی ونود کمار ارریہ پہنچے اور انہوں نے مختلف تھانوں کا جائزہ لیا، بعد ازاں ایس پی دفتر میں ضلع کے دونوں سب ڈویژنل کے پولس اہلکاروں کے ساتھ ایک اہم میٹنگ کی اور ضلع کے نظم و نسق کے بابت معلومات حاصل کی.

آئی جی ونود کمار نے ضلع کے تمام اعلیٰ افسران کو بتایا کہ ریاست ہیڈ کوارٹر سے ہر ہفتے 10 اہم نکات پر آپ سے پوچھا جائے گا جس کی تیاری پہلے کر کے رکھنی ہوگی، موجودہ حکومت شراب اور شراب معاملے میں گرفتار ہونے والوں کے تئیں بہت سخت ہے، ایسے لوگوں پر فوراً ایکشن لیں۔

انہوں نے افسران کو بتایا کہ بہار ہیڈ کوارٹر آپ تمام لوگوں سے آپ کی سرگرمیوں کا بھی جائزہ لے گا اس لئے اس بات کو یقینی بنایئے کہ جن کی جو ذمہ داری ہے اسے جوابدہی سمجھتے ہوئے دئے گئے مقررہ وقت پر انجام دے کر متعلقہ محکمہ کو رپورٹ سونپے تاکہ آپ کی سرگرمیوں کا صحیح تجزیہ ہو سکے۔

آئی جی . ونود کمار نے تمام اعلیٰ افسران کو ہدایت دی کہ ان تمام نکات پر آپ اپڈیٹ رہیں تاکہ ویڈیو کانفرنسگ کے وقت آپ کو کسی طرح کی پریشانی نہ ہو اور جو کام آپ نے کیا ہے وہ احسن نظروں سے دکھا جائے۔

اس میٹنگ میں ایس پی دھورت سائلی، ٹاؤن ڈی ایس پی کے ڈی سنگھ، فاربس گنج ڈی ایس پی منوج کمار کے علاوہ سبھی سرکل انسپکٹر موجود تھے.