اردو زبان کے فروغ کے لیے ہم لڑیں گے: ہندوستانی عوام مورچہ

بہار میں این ڈی اے کی حلیف جماعت ہندوستانی عوامی مورچہ ریاست کی دوسری سرکاری زبان کی بقا کے لیے سامنے آگئی ہے۔

ہندوستانی عوام مورچہ کے ترجمان وجئے یادو نے کہا ہے کہ اردو ریاست کی دوسری سرکاری زبان ہے اور یہ گنگا جمنی تہذیب کی مثال ہے۔

وجئے یادو نے کہا کہ ریاست سے اردو کو ختم نہیں کیا جا سکتا ہے، ہمارے منشور میں بھی اردو کے فروغ اور اسکولوں میں اردو اساتذہ کی بحالی شامل ہے۔

وزیراعلیٰ نتیش کمار نے بھی کہا ہے کہ ریاست کے تمام اسکولز میں ایک اردو کے استاد کی بحالی کی جائے گی۔

انہوں نے وزیر اعلیٰ نتیش کمار سے اپیل کرتے ہوئے کہا ہے کہ 'جن لوگوں نے اردو پر کیچڑ اچھالنے کی کوشش کی ہے ان پر کارروائی کی جائے۔'