گیا میں صبح سے ہی مسلسل موسلادھار بارش ہورہی ہے جس کی وجہ سے کام کاج متاثر ہوا ہے، محکمۂ موسمیات کے مطابق اگلے چوبیس گھنٹے تک اسی طرح بارش ہوتی رہے گی۔
صبح سے ہی موسلادھار بارش کی وجہ سے موسم خوشگوار ہوگیا ہے، بارش کے ساتھ ہی تیز ہوا بھی رک رک کر چل رہی ہے۔ مسلسل بارش ہونے کی وجہ سے کام کاج متاثر ہوا ہے اور شہر کی سڑکوں پر بھی سناٹا چھا گیا ہے۔ گاڑیوں کی آمدورفت نہ کے برابر ہے۔
محکمۂ موسمیات کے مطابق 3 اکتوبر تک ریاست کے تمام اضلاع میں ہلکی اور موسلادھار بارش ہوسکتی ہے۔ آئندہ 24 گھنٹے کو لے کر محکمۂ موسمیات نے کہا ہے کہ ان چوبیس گھنٹوں کے دوران کئی اضلاع میں بارش زیادہ ہوسکتی ہے جس میں گیا کا نام بھی شامل ہے۔
مزید پڑھیں:بارش کی رفتار میں کمی لیکن ابتر نکاسی نظام سے لوگوں کا برا حال
گیا میں بارش ہونے کی وجہ سے درجۂ حرارت میں گراوٹ درج کی گئی ہے، وہیں بارش کے ساتھ تیز ہواؤں کی وجہ سے دھان کی فصل کو نقصان پہنچنے کے امکانات ہیں، ہوا کی وجہ سے دھان کی ڈنٹیاں ٹوٹ کر گرسکتی ہیں۔
