Har Ghar Urdu Campaign in Bihar: بہار میں اردو کے فروغ کے لیے 'ہر گھر اردو' مہم کا آغاز

بہار میں مادری زبان اردو کے فروغ کے لیے انجمن ترقی اردو بہار کے زیر اہتمام 'ہر گھر اردو مہم' کی شروعات کی گئی۔ Har Ghar Urdu Campaign'Launched in Bihar، اس مہم میں بہار کے سبھی اضلاع کے اردو اساتذہ کی خدمات لی جائیں گی۔

گیا:بہار کے شہر گیا میں واقع سرکٹ ہاوس سے آج اردو بیداری کارواں کو انجمن ترقی اردو بہار کے سکریٹری وسابق چیئرمین مدرسہ بورڈ عبدالقیوم انصاری نے ہری جھنڈی دکھا کر روانہ کیا۔

اس سے قبل انہوں نے ضلع کے اردو اساتذہ کے ساتھ میٹنگ کی اور اردو کے فروغ 'Har Ghar Urdu Campaign'Launched in Bihar کے حوالے سے تبادلہ خیال کیا۔

میٹنگ کے بعد انہوں نے ای ٹی وی بھارت سے بات کرتے ہوئے کہا کہ 'بہار میں اردو کے فروغ اور اس کے تحفظ کے لیے حکومتی سطح پر کئی ٹھوس اقدامات اٹھائے گئے، تاہم زمینی سطح پر اس کے نتائچ بہتر نہیں ہیں جس کو دیکھتے ہوئے انجمن ترقی اردو اور بہار حکومت کی مدد سے "ہر گھر اردو بیداری مہم" کی شروعات کی جارہی ہے اور اس مہم میں بہار کے سبھی اضلاع کے اردو اساتذہ کی خدمات لی جائیں گی۔

عبدالقیوم انصاری نے بتایا کہ اس مہم میں کام کرنے والے اساتذہ کو پٹنہ میں انجمن ترقی اردو بہار کے جانب سے پہلے تربیت دی جائے گی اور بعد ازیں ٹرینڈ اساتذہ اپنے ضلع اور بلاکس میں جاکر اردو اساتذہ کو تربیت دیں گے تاکہ نوجوان اور بچوں کو اردو سے جوڑا جاسکے۔

واضح رہے کہ اگر واقعی سرکاری اسکولوں کے اردو اساتذہ اردو کے فروغ کے لیے چلائی جارہی مہم میں شامل ہوجائیں تو یہ انقلابی قدم ثابت ہوگا، کیونکہ بہار کے 73 ہزار پرائمری و مڈل اسکولز میں 37 ہزار اردو اساتذہ زیر ملازمت ہیں، ایسے میں ہر گھر تک اردو کو پہنچانے میں اساتذہ بڑا کردار ادا کرسکتے ہیں۔