جامع مسجد میں عازمین حج کے لیے تربیتی کیمپ

اسلام کے بنیادی ارکان میں سے حج ایک اہم رکن ہے، رواں برس بہار سے تین ہزار پانچ سو افراد حج کی سعادت حاصل کریں گے۔

گیا کی جامع مسجد میں عازمین حج کی تربیت کے لیے کیمپ کا انعقاد کیا گیا۔

تربیتی کیمپ میں شہر کے سینکڑوں عازمین نے شرکت کی اور حج کے مسائل کو سمجھا۔

کولکاتہ سے آئے محمد قیصر نے عازمین کو حج کے متعلق مسائل تفصیلی طور پر سمجھایا۔

گیا کی جامع مسجد کی جانب سے گزشتہ پانچ برس سے لگاتار عازمین کے لیے تربیت کا اہتمام کیا جاتا ہے اور ہر عازم حج کو فرداً فرداً تربیت کے متعلق خبر بھی دی جاتی ہے۔حج کی سعادت انسان کو عمومی طور پر زندگی میں ایک بار ہی نصیب ہوتی ہے اس لیے اس کی مناسب تیاری بھی بہت ضروری ہے تاکہ ارکارن حج کی ادائیگی میں کسی قسم کی دشواری نہیں پیش آئے۔