گوپال گنج: کشتی کے سہارے دلہن کے گھر پہنچا دولہا

بہار کے گوپال گنج میں سیلاب سے عام زندگی مفلوج ہو کر رہ گئی ہے۔ جب ایک دولہا اپنے گھر سے باراتیوں کے ساتھ نکلا تو راستے میں سیلاب کے پانی کا سامنا کرنا پڑا جس کے بعد انہیں کشتی کے سہارے دولہن کے گھر جانا پڑا۔ یہ واقعہ مانجھا بلاک کے نیمونیا گاؤں کا ہے۔

بہار میں سیلاب متاثرہ علاقوں سے لوگوں کا دوسری جگہ منتقل ہونے کا سلسلہ جاری ہے تو وہیں دوسری طرف کئی لوگوں کی شادی سیلاب سے متاثر ہوئی ہیں۔ گوپال گنج میں کچھ ایسا ہی دیکھنے کو ملا جہاں ایک دولہا کشتی کے سہارے سسرال پہنچ کر دلہن کو اپنے ساتھ گھر لے کر آیا۔

یہ واقعہ لوگوں کے درمیان موضوع بحث بنا ہوا ہے۔ معاملہ مانجھا بلاک کے نیمونیا گاؤں کا ہے۔ گھر والوں نے بتایا کہ جادوپور تھانہ کے بھگوان پور گاؤں کے رام وچن یادو کا لڑکا رام کنور یادو کی شادی کنہیا یادو کی بیٹی کماری کرن سے ہونا تھی۔ شادی کے دن وقت پر دولہے کی گاڑی باراتیوں کے قافلے کے ساتھ جب لڑکی کے گھر کے لئے چلی تو راستے میں سیلاب کا پانی دیکھ کر سب کے ہوش اڑ گئے۔

جس کے بعد دولہن کو کشتی سے لانے کے علاوہ کوئی دوسرا راستہ نہیں تھا۔ حالت دیکھ کر گاڑیوں کو واپس بھیج دیا اور کشتی پر سوار ہو کر دولہا دلہن کے گھر کی طرف چل دیا۔ پورے رسم ورواج کے مطابق شادی ہوئی اور کشتی کے ہی سہارے دلہن کے ساتھ دولہا واپس لوٹا۔

بالمیکی نگر بیراج سے چھوڑے گئے 4 لاکھ 12 ہزار کیوسیک پانی کی وجہ سے گنڈک ندی خطرے سے باہر ہے۔ ساتھ ہی لگاتار ہو رہی بارش سے لوگوں کی حالت خراب دن بہ دن خراب ہورہی ہے۔