بہار: قدرتی آفات سے بچنے کے لیے اساتذۂ مدارس کو تربیت

وزیراعلی حفاظتی پروگرام کے تحت محکمۂ آفاتی انتطامیہ اور یونیسیف کے اشتراک سے بہار کے چار ہزار مدرسوں کے بچوں کو قدرتی آفت سے بچنے کی تربیت کے لیے مدرسوں کے اساتذہ کو تربیت دی جارہی ہے۔

ریست بہار میں وزیراعلی حفاظتی پروگرام کے تحت ریاست کے چار ہزار مدرسوں کے بچوں کو قدرتی آفت سے بچانے کے لیے محکمہ آفات انتظامات اور یونیسف کے اشتراک سے مدرسوں کے اساتذہ کو تربیت دی جارہی ہے۔

تربیت حاصل کرنے والے منتخب مدارس کے اساتذہ نے بتایا کہ وہ یہاں سے تربیت حاصل کر وہ تمام چھوٹے بڑے مدارس کے اساتذہ جاکر یہ تربیت دیں گے۔

ساجد اقبال قاسمی نے بتایا کہ وہ یہاں 14 لوگوں کے ماسٹر ٹرینر میں شامل ہیں پہلی ٹریننگ 44 لوگوں کو دی گئی تھی ان میں سے وہ منتخب ہوکر وہ آئے ہیں۔

انہوں نے مزید کہا کہ وہ یہاں سے تربیت حاصل کر ملحقہ مدارس کے اساتذکو تربیت دیں گے اس کے بعد وہ اساتذہ بچوں کو مدرسوں میں قدرتی آفت سے بچنے کی تربیت دیں گے۔

انجم پروین نے بتایا کہ محکمہ آفات انتظامات کے تحت لوگوں کو تمام قدرتی آفات سے بچنے اور حفاظت کی تدابیر بتائیں جا رہی ہے انہوں نے کہا کہ سیلاب آنے کی صورت حال میں پہلے اطلاع دی جاتی ہے اور اطلاع ملنے کے بعد بچوں کو بچانے کی کوشش کی جائے گی این ڈی آر ایف کی ٹیم کے ذریعے ان لوگوں کو موک ڈرل کے تحت خصوصی تربیت دی گئی ہے۔

شبیر عالم نے بتایا کہ انہوں نے جو تربیت حاصل کی ہے اس سے زلزلہ آنے کی صورت میں بچوں کو حفاظتی تدابیر کے بارے میں بتایا جائے گا۔
انہوں نے مزید کہا کہ زلزلہ عام طور پر 55 سیکنڈ تک رہتا ہے اس درمیان لوگوں کو صبر وہ تحمل کے ساتھ بغیر گھبرائے محفوظ جگہ پر پناہ لینی چاہیے۔

ٹریننگ ماسٹر معین نے بتایا کہ محکمۂ آفات انتظام اور حفاظتی تدبیر اس دور میں بہت اہم ہے خصوصی طور پر اسکول و مدارس کے طلباء و طالبات کو اس کی پوری معلومات ہونی چاہیے۔

انھوں نے مزید کہا کہ قدرتی آفات کا سامنا ہونے پر اگر ہم ان سے بچنے کی تدابیر جانتے ہیں تو ہم بھی جاپان کے لوگوں کی طرح اپنے آپ کو بنا سکتے ہیں۔

ماسٹر معین نے بتایا کہ تربیت شدہ ماسٹر ٹرینر جو اساتذہ ہیں یہ اپنے علاقے میں جاکر مدارس کے اساتذہ کو تربیت دیں گے وزیراعلی حفاظتی پروگرام کے تحت مدارس کے بچوں کو حفاظت کی تدا بیر بتائی جائے گی۔

انہوں نے کہا کہ محکمہ نے درجہ اول سے درجہ 12 تک کے بچوں کے لیے ایسی تدبیری پروگرام کے نصاب بنائے ہیں جن میں ان کی پوری معلومات دی گئی ہے۔