باپ کے ڈاٹنے کے بعد لڑکی نے کی خودکشی

بہار میں سارن ضلع کے گورا پولیس آؤٹ پوسٹ علاقے کے سلیمہ پور گاؤں میں باپ کی ڈانٹ سننے کے بعد ایک لڑکی نےگلے میں پھندا لگاکر خودکشی کرلی۔

پولیس ذرائع نے آج یہاں بتایا کہ سلیمہ پور گاؤں کے ششی کانت سنگھ کی 16 سالہ بیٹی شویتا کماری نے اس برس ہی انٹر میڈیٹ کا امتحان دیا تھا۔

شویتا کے والد نےکل رات کسی بات پر بیٹی کو ڈانٹ دیا تھا اور اس کے بعد گھر کےسب افراد سونے چلےگئے تھے۔ دیر رات شویتا نے گلے میں دوپٹے سے پھندا لگاکر خودکشی کرلی۔

ذرائع نے بتایا کہ آج صبح اس کے اہل خانہ جب اس کے کمرے میں گئے تو لڑکی کو پھندے سے جھولتا پایا۔ جس کی اطلاع پولیس کو دی گئی۔

اطلاع ملتے ہی موقع پر پہنچی پولیس نے لاش کو پوسٹ مارٹم کے لیے چھپرا صدر اسپتال بھیج دیا ہے۔ پولیس اس معاملے میں یو ڈی کیس درج کرکے جانچ کررہی ہے۔