گیا: انتظامیہ لاک ڈاون کو سختی سے نافذ کرانے میں مصروف

ریاست بہار کے ضلع گیا کے ڈسٹرکٹ مجسٹریٹ ابھیشیک کمار سنگھ نے ضلع میں جنتا کرفیو کا جائزہ لیا۔ ساتھ میں انہوں نے عوام سے اپیل کی کہ وہ اس لاک ڈاؤن کو سرکاری لاک ڈاؤن کے طور پر نہ دیکھیں۔ اس لاک ڈاؤن کو جنتا کرفیو اور عوام قرنطینہ کی حیثیت سے دیکھیں اور اس 16 دنوں کے لاک ڈاؤن تک مکمل طور پر قرنطینہ اختیار کریں۔

بہار میں نافذ کئے گئے لاک ڈاون کو ' جنتاکرفیو ' کا نام دیا گیا ہے۔ حکومت و انتظامیہ نے عوام سے گھروں میں رہ کر خود کو محفوظ رکھنے کی اپیل کی ہے۔ لاک ڈاون کا سختی سے عمل درآمد کرانے کے لئے ضلع مجسٹریٹ جائزہ لے رہی ہیں، لاک ڈاون کے دوسرے دن سڑکیں سنسان نظر آئیں ، حالانکہ کچھ مقامات پر خاص طور سے سبزی منڈی میں لوگوں کی بھیڑ ضرور دیکھی گئی

ریاستی حکومت نے بہار کے تمام ضلعی ہیڈ کوارٹرز، سب ڈویژن ہیڈ کوارٹرز، بلاک ہیڈ کوارٹرز اور بلدیاتی اداروں میں 16 دن کا لاک ڈاؤن نافذ کیا ہے۔ وہیں گیا کی ضلع انتظامیہ اور پولیس انتظامیہ بھی اس لاک ڈاؤن کو نافذ کرانے کے لیے مصروف ہے۔گیا کے ڈسٹرک مجسٹریٹ ابھشیک کمار سنگھ خود ہی سڑک پراتر کر اسکی کمان سنبھالے ہوئے ہیں ،

واضح رہے کہ ضلع میں گزشتہ ایک ہفتے کے دوران دو سو سے زائد کورونا متاثرین کی تصدیق ہوئی ہے ۔

ڈسٹرک مجسٹریٹ ابھشیک کمارسنگھ نے کہا کہ پچھلے تین لاک ڈاؤن کے مقابلے میں اس لاک ڈاؤن کو جنتا کرفیو کی طرح نافذ کیا گیا ہے۔ اس میں عام عوام بھی اپنی ذمہ داریوں کا ادراک کررہی ہیں۔ زیادہ تر افراد اپنے گھر سے باہر نہیں نکل رہے ہیں۔ کچھ لوگ ایسے ضرور ہیں جو مختلف کاموں کے لئے گھروں سے باہر نکل آتے ہیں تاہم ضلعی انتظامیہ اور پولیس انتظامیہ مختلف مقامات پر تفتیش بھی کررہی ہے اور وہیں سڑک پر بے وجہ گشتبازی کرنے والے لوگوں اور ماسک نہ پہننے والے لوگوں سے جرمانہ عائد کیا جارہا ہے۔

انہوں نے کہا کہ لاک ڈاؤن کے دوران کچھ دکانیں کو کھولنے کی اجازت نہیں ہے، اگر ایسے میں یہ متعلقہ دکانیں لاک ڈاؤن کے دوران کھلی ہوئی پائی گئیں تو ان کے خلاف ایف آئی آر درج کی جائیگی۔

ڈسٹرکٹ مجسٹریٹ ابھیشیک سنگھ نے گیا کے لوگوں سے اپیل کی کہ وہ لاک ڈاؤن کو سرکاری لاک ڈاؤن کے طور پر نہ دیکھیں۔ اس لاک ڈاؤن کو جنتا کرفیو اور عوام قرنطینہ کی حیثیت سے دیکھیں اور اگلے 16 دن تک خود کو قرنطینہ میں رکھیں ۔

انہوں نے کہا کہ اگر ہم میں سے کسی کو بھی انفیکشن ہوتا ہے تو اگلے 14 دنوں میں انفیکشن کا خاتمہ ہوجائے گا اور اگر کسی فرد کو صحت کی دیکھ بھال کی ضرورت ہوتی بھی ہے تو ضلعی انتظامیہ اور اسپتال انتظامیہ بھی آسانی سے جان سکے گی اور ان کی مدد کرپا ئیگی۔ انفیکشن متاثرین کو اس مدت کے دوران گھروں میں رہنا ہے تاکہ ہم اپنے پورے کنبے کو اس کووڈ ۔19 عالمی وبائی مرض سے محفوظ رکھ سکیں۔

انہوں نے کہا کہ یہ لاک ڈاؤن جنتا کرفیو ایک انتہائی اہم لمحے میں نافذ کردیا گیا ہے۔

دریں اثنا ضلعی مجسٹریٹ ابھیشیک سنگھ نے رائے کاشی ناتھ موڈ ، باٹا موڑ ، اسٹیشن روڈ ، باگیشوری گمٹی ، رامشیلا ، کرن سنیما ، ٹاور چوک ، مانپور پل سے مفصل موڑ تک کلکٹریٹ تک کی سرگرمیوں کا جائزہ لیا۔ مفصل پولیس اسٹیشن کے قریب وجئے لڈو بھنڈار کھلاہواپایاگیا ۔ ضلعی مجسٹریٹ نے دوکاندار کوپھٹکار لگائی اور کہا کہ قوانین پر عمل کرنا تمام لوگوں کی ذمہ داری ہے۔ یہ لاک ڈان انفیکشن پر قابو پانے کے لئے اور سب کی حفاظت کے لئے نافذ کیا گیا ہے۔

ڈسٹرکٹ مجسٹریٹ نے میونسپل کمشنر ساون کمار کو ہدایت کی کہ وہ وجئے لڈو بھنڈار مفصل کے خلاف ایف آئی آر درج کرائیں۔اسکے علاوہ انہوں نے کئی اور مقامات کاجائزہ لیا۔