گیا: محرم کے پیش سکیورٹی کے سخت انتظامات

محرم کے پیش نظر گیا ضلع کے 194 مقامات پر سکیورٹی کے سخت انتظامات کیے گئے ہیں، اور دیگر پروگراموں پر پابندی عائد کردی گئی ہے۔

بہار کے ضلع گیا میں محرم کے پیش نظر ضلع مجسٹریٹ ابھیشیک سنگھ اور سینئر سپرنٹنڈنٹ پولیس آدتیہ کمار نے ضلع میں امن و امان کو برقرار رکھنے کے لیے ایک مشترکہ حکم جاری کیا ہے۔ جس میں خصوصی طور پر کہا گیا ہے کہ کسی بھی قسم کی افواہ اور جھوٹی خبریں پھیلانے والے عناصر پر فورا کاروائی کی جائے۔

محرم کے موقع پر پورے ضلع کے 194 مقامات کو حساس مقام کے طور پر نشان زد کرتے ہوئے مجسٹریٹ اور پولیس افسران کی تعیناتی کی گئی ہے، ساتھ ہی ایک گشتی ٹیم کو مجسٹریٹ کی نگرانی میں تعینات کیا گیا ہے، جو گشت کے دوران صورتحال پر نظر رکھے گی۔

ضلع مجسٹریٹ اور ایس پی کی جانب سے جمعرات کے روز گیا کالج میں ایک میٹنگ کا انعقاد کیا گیا جس میں ضلع کے سبھی افسران کو تمام طرح کے ہدایات دیے گئے۔

میٹنگ میں کہا گیا کہ محکمہ داخلہ بہار کی جانب سے جاری ہدایات کے مطابق تازیہ و اکھاڑا عوامی مقامات پر نہیں نکالا جائے گا۔ مذہبی جلوس، مظاہرے اور تقریب پر مکمل پابندی ہوگی۔ لوگ سماجی فاصلے کو مدنظر رکھتے ہوئے اپنے گھروں میں محرم کے تہوار سے متعلق مذہبی تقریبات کا اہتمام کرسکتے ہیں۔