گیا: سڑک حادثے میں چھ افراد زخمی

بدھ کی رات ایک اسکارپیو مورہر ندی میں گرگئی جس میں سوار چھ لوگ شدید طور پر زخمی ہوگئے۔

بہار میں ضلع گیا کے امام گنج میں گذشتہ روز دیر رات ایک اسکارپیو گاڑی مورہر ندی میں گرگئی جس میں سوار چھ لوگ شدید طور پر زخمی ہوگئے۔ موقع پر موجود لوگوں نے سبھی زخمیوں کو اسکارپیو سے نکال کر علاج کے لیے ہسپتال میں داخل کرایا۔

حادثے میں زخمی سبھی لوگ ڈومریا بلاک کے سلیا گاؤں کے رہائشی ہیں جو پنچایت انتخابات میں ووٹ دینے کے لیے کسی امیدوار کے بلانے پر پنجاب سے واپس گھر آرہے تھے۔

اس دوران پنجاب سے آنے والی ٹرین کے لیٹ ہونے کی وجہ سے یہ گیا ریلوے اسٹیشن سے دیر رات تشہیری گاڑی سے اپنے گھر جارہے تھے تبھی یہ حادثہ پیش آیا ہے۔

واضح ہوکہ ڈومریا اور امام گنج بلاک میں آئندہ چوبیس نومبر کو ووٹنگ ہونی ہے۔