ریاست بہار کے ضلع گیامیں روڈ سیفٹی مہم کے تحت پولیس ایکشن میں ہے۔ آج خود ایس ایس پی آشیش بھارتی سڑک پر اتر کر مہم چلاتے نظرآئے ۔اس دوران انہوں نے سڑک قوانین پر عمل نہیں کرنے والوں کو نصیحت اور تلقین کی اور سبق کے طور پر جرمانہ بھی وصول کیا حالانکہ انہوں نے اس دوران انہیں بڑے پیار اور سنجیدگی سے سمجھایا بھی اور کہاکہ زندگی انمول ہے ایک زندگی سے پورے کنبہ کی زندگی جڑیں ہوتی ہیں جب حادثے ہوتے ہیں تو گھروں میں مشکلات کا سامنا ہوتا ہے ۔
انہوں نے مجرمانہ واردات سے بھی زیادہ خطرناک سڑک حادثات کو قرار دیا اور کہاکہ مجرمانہ وارداتوں میں بھی اتنی موتیں نہیں ہوتی ہیں جتنی زیادہ لوگ سڑک حادثات میں مارے جا رہے ہیں۔ یہ حادثہ کسی بھی خاندان کے لیے بہت تکلیف دہ اور زندگی کے لیے تکلیف دہ ہوتا ہے۔ اس کے ساتھ معاشی حالت بھی کمزور ہوتی ہے۔
واضح رہے کہ گزشتہ 11 جنوری سے روڈ سیفٹی ہفتہ منایا جا رہا ہے۔ یہ 17 تاریخ تک چلے گا۔ یہ مہم پولیس اور ٹرانسپورٹ ڈپارٹمنٹ کی جانب سے یکساں طور پر چلائی جا رہی ہے۔ محکمہ ٹرانسپورٹ بھی پورے ضلع میں اپنی آگاہی مہم چلا رہا ہے۔ ساتھ ہی پولیس بھی اس مہم کے ذریعے لوگوں کو بیدار کرنے میں لگی ہوئی ہے۔ ریلی کے ذریعے لوگوں کو یہ پیغام دیا جارہاہے کہ وہ ہر قیمت پر ہیلمٹ پہن کر بائک چلائیں۔
کار سوار سے اپیل ہے کی گئی ہے سیٹ پر بیٹھے تمام افراد سیٹ بیلٹ پہنیں۔ ٹریفک قوانین پر بھی عمل کریں۔ ڈرائیونگ کے دوران کسی بھی قسم کا نشہ نہ کریں۔ اپنی لین میں چلائیں۔ رفتار کو کنٹرول میں رکھیں۔ بچوں کو بائیک دینے کے بجائے انہیں بہتر زندگی دیں۔ تب ہی روڈ سیفٹی کا مفہوم زمین پر کامیاب ہوگا۔ زندگی انمول ہےConclusion:ایس ایس پی نے کہا کہ روڈ سیفٹی مہم میں عام لوگوں کو بیدار کرنا ہے۔ سڑک کی حفاظت کے بارے میں ہر عمر کے لوگوں کو حساس رہنے کی ضرورت ہے -
مزید پڑھیں:Gaya Road Accident گیا سڑک حادثے میں تین افراد ہلاک
