گیا: سڑک حادثہ میں ایک ہی گھر کے چار افراد ہلاک

ریاست بہار کے شہر گیا میں ایک ہی گھر کے چار افراد سمیت ڈرائیور کی المناک سڑک حادثے میں موت ہو گئی۔ لاک ڈاون کے دوران گیا میں یہ لوگ پھنسے تھے جو آج صبح کوتوالی تھانہ حدود کے سرائے چھوٹی مسجد کے پاس سے سڑک کے ذریعہ کلکتہ جا رہے تھے، تبھی دھنباد کے قریب ان کی گاڑی سڑک حادثے کا شکار ہوگئی۔

اطلاع کے مطابق یہ حادثہ آج صبح دھنباد کی قومی شاہراہ پر پیش آیا ہے۔ مغربی بنگال کے دارالحکومت کولکاتہ میں کولکاتہ میڈیکل کالج کے قریب رہنے والا یہ کنبہ اپنے گھر جا رہا تھا۔ اس دوران یہ المناک حادثہ دھنباد کی قومی شاہراہ پر پیش آیا۔

بتایا جارہا ہے کہ گاڑی کھائی میں گرنے کے سبب یہ حادثہ پیش آیا۔

حاجی محمد شمیم نے بتایا کہ لاک ڈاون کے دوران انکی بیٹی آمرین نواز ، داماد حافظ دانش نواز اور نوماہ کی نواسی گیا میں رکی ہوئی تھیں ۔

مارچ کے پہلے ہفتے میں یہ لوگ کولکاتہ سے گیا آئے تھے ۔ تاہم لاک ڈاون ہونے کی وجہ سے یہیں ٹھہرے ہوئے تھے ۔پاس لیکر آج کولکاتہ جارہے تھے تبھی دھنباد کے قومی شاہراہ پرگاڑی حادثے کی شکار ہوگئی ۔جس میں داماد ، بیٹی ، بیٹا اخلاق احمد اور نوماہ کی نواسی کی موت ہوگئی ۔دھنباد سے میت گیا آئیگی اور اسکے بعد یہیں قبرستان میں تدفین عمل میں آئیگی