Gaya District ڈینگو کے کیسز میں تشویشناک اضافے کے بعد گیا ضلع میں الرٹ جاری

گیا میں واقع انوگرہ نارائن ہسپتال میں ڈینگو سے متاثر مریضوں کے لئے خصوصی وارڈ بنایا گیا ہے یہاں سات مریض زیرعلاج ہیں۔ مریضوں کی بڑھتی تعداد کے پیش نظر ضلع کو الرٹ پر رکھا گیا ہے Gaya District

گیا:ریاست بہار کے ضلع گیا کو محکمہ صحت نے ڈینگو کے بڑھتے معاملات کے پیش نظر الرٹ کردیا ہے۔انوگرہ نارائن مگدھ میڈیکل کالج ہسپتال میں اسپیشل 'ڈینگو وارڈ ' بنایا گیا ہے جہاں ضلع کے ساتھ مگدھ کمشنری کے مختلف ضلع کے ڈینگو سے متاثرہ مریضوں کو بھرتی کرکے علاج کیا جائے گا۔Gaya District On Alert After Dengue Cases Rapidly Increase

انوگرہ نارائن مگدھ میڈیکل کالج میں فلحال سو بیڈ کو مخصوص کیا گیا ہے یہاں فلحال دس مریض زیرعلاج ہیں۔سپرٹنڈنٹ پی اگروال نے بتایا کہ سبھی پیڈس پر مچھردانی ، آکسیجن اور دوسری سہولیات کو دستیاب کرایا گیا ہے حکومت کی جانب سے حسب ضرورت دوا بھی دستیاب ہوئی ہے اور ساتھ ہی ڈاکٹرز ونرس کو شفٹوں میں تعینات کیا گیا ہے۔ ڈینگو کے سبھی طرح کے جانچ ہسپتال میں ہی ہورہے ہیں۔ وہ خود اسکی نگرانی کررہے ہیں۔ صفائی کا مکمل خیال رکھا جارہاہے۔ ابھی حالات خراب یہاں ضلع میں نہیں ہوئے ہیں لیکن احتیاط کے طور پر سبھی انتظامات کرلئے گئے ہیں۔

ڈینگو کے کیسز میں تشویشناک اضافے کے بعد گیا ضلع میں الرٹ جاری

ڈی ڈی سی او نے بتایاکہ ضلع کے دیہی علاقوں میں مسلسل فوگنگ کرائی جارہی ہے سبھی پرائمری ، کمیونیٹی سینٹرز پر تشہیری مہم چلائی جارہی ہے لوگوں سے اپیل بھی کی گئی ہے کہ اگر ڈینگو انفکشن کی تصدیق ہوجائے تو وہ مچھردانی میں رہیں ، مناسب علاج کرائیں .

انوگرہ نارائن مگدھ میڈیکل کالج وہسپتال کے سپرٹنڈنٹ پی اگروال نے کہاکہ بہار میں ڈینگو کی شرح کورونا سے بھی زیادہ ہے ۔ محکمہٴ ہیلتھ کے مطابق جب کورونا عروج پر تھا تو انفیکشن کی شرح فیصد 33 تھی یعنی ایک دن میں ٹیسٹ کے گئے ۔100نمونوں میں اوسطاً 33افراد متاثر پائے جارہے تھے تاہم اس میں اوسطا پچاس سے زائد افراد میں تصدیق ہورہی ہے ۔

واضح ہوکہ ضلع گیا میں فلحال 60 ڈینگو مریض ہیں جن میں سات مریض ہسپتال میں زیرعلاج ہیں اور بقیہ مریض اپنے گھروں میں رہکر علاج کرارہے ہیں ، ڈی ڈی سی او اجے کمار نے بتایا کہ بارہ بلاک میں مریضوں کی تصدیق ہوچکی ہے Gaya District On Alert After Dengue Cases Rapidly Increase