گیا:شجرکاری مہم کے تحت 50 ہزار پودے لگائے گئے

ریاست بہار کے ضلع گیا میں مرکزی فورسیز کی طرف سے شجرکاری مہم چلائی جارہی ہے ۔مرکزی فورسیز ہیڈکواٹر میں وزیرداخلہ امیت شاہ نے اسکا افتتاح کیا ہے۔ ضلع میں تقریبا پچیس ہزار پودے لگائے گئے.

گیا کو ہرا بھرا بنانے اور ماحولیات کی تحفظ کے غرض سے مرکزی فورسیز کی طرف سے شجر کاری مہم کی شروعات بڑے پیمانے پر کی جارہی ہے ۔ ضلع میں واقع سی آرپی ایف ، ایس ایس بی ، سی آئی ایس ایف کی طرف سے اپنے کیمپ اور گردونواح میں پودے لگائے گئے ۔

درخت انسانی زندگی میں بہت اہمیت رکھتا ہے۔ درخت ماحول کو بہتر بنانے کے ساتھ ساتھ پانی کے تحفظ ، آب و ہوا پر قابو پانے میں مدد ، مٹی کی طاقت اور زندگی کی حفاظت کرتے ہیں۔ پودے انسان کو آکسیجن فراہم کرتے ہیں اور ان کے بغیر بنی نوع انسان کا وجود ناممکن ہے۔ اسلئے نہ صرف شجر کاری بڑے پیمانے پر کی جائے بلکہ درختوں کوخشک ہونے اور کاٹنے سے بھی محفوظ کیا جائے ۔

سی آرپی ایف ہیڈ کواٹر کے شجر کاری تقریب کے موقع پر سکنڈ ان کمانڈ اودھیش کمار نے بتایاکہ ملکی سطح پر مرکزی ریزرو فورسز قومی شجر کاری مہم پروگرام کے تحت سی آرپی ایف کیمپ میں شجر کاری کی گئی ہے۔ مرکزی وزیرداخلہ امیت شاہ کے ہاتھوں ہیڈ کواٹر دہلی میں اسکا افتتاح کیا گیا ہے۔ سی آرپی ایف کی 159 ویں بٹالین نے گیا ضلع کے لٹوا ، امام گنج ، سیورا ، چھکربندھا ، ڈوبھی ، سلیا جیسے نکسل متاثرہ علاقوں میں 25000 پودے لگانے کا ہدف مقرر کیا ہے ۔

صرف شہر گیا میں تین ہزار پودے لگائے گئے ہیں ۔ اس مہم کے تحت تقریبا 10 ہزار پودے جولائی کے مہینے میں لگائے گئے ہیں۔ نیز اس مہم کو مقامی لوگوں کے تعاون سے کامیاب بنانے کے لئے شجر کاری مہم چلائی جارہی ہے ۔

ڈپٹی کمانڈنٹ موتی لال نے کہاکہ جولائی کے آخر تک ضلع گیا میں تمام مقامات پر 25 ہزار پودے لگانے کا عزم کیا گیا ہے اور یہ ضلع کو مزید سبز بنانے کے ہمارے عزم کا ایک حصہ ہے۔

انہوں نے مذہبی پاٹھ پڑھتے ہوئے کہاکہ ایک درخت دس بچوں کے برابر ہے ۔ ہمیں اپنے گھر آس پاس کو سبز بنانے کے لئے درختوں کو لگانے کی ضرورت ہے۔اس دوران مختلف کمپنیوں کے افسران اور جوانوں نے درخت لگائے۔اس موقع پر سوہن سنگھ ، موتی لال ، ڈپٹی کمانڈنٹ عنبر گھوش موجودتھے۔