بھاگلپور میں سڑک حادثے میں چار کی موت ، پانچ زخمی

بہار کے بھاگلپور ضلع میں مختلف تھانہ علاقوںمیں سڑک حادثات میں چار نوجوانوں کی موت ہوگئی اور پانچ دیگر زخمی ہوگئے ۔

پولیس ذرائع نے آج یہاں بتایاکہ ضلع کے رسول پور تھانہ علاقہ کے رام پور کھڑہرا گاﺅں کے نزدیک کل دیررات ایک آٹورکشہ اور موٹر سائیکل کے مابین ٹکر ہوگئی ۔ اس واقعہ میں موٹر سائیکل سوار تین نوجوانوں کی موت ہوگئی اور چار دیگر زخمی ہوگئے ۔

متوفیوں کی شناخت گھوگھا تھانہ علاقہ کے پکی سرائے گاﺅں باشندہ سنتوش کمار (17) ، ریشو کمار (18) اور چھوٹو کمار (16) کے طور پر کی گئی ہے ۔
ذرائع نے بتایاکہ واقعہ کے وقت چار نوجوان موٹر سائیکل پر سوار ہوکر رسول پور تھانہ کے کٹیریا گاﺅں کی جانب جارہے تھے تبھی راستے میں ایک مویشی کو بچانے کے دوران میں سامنے سے تیز رفتار آٹورکشہ سے موٹر سائیکل کی ٹکر ہوگئی ۔ زخمیوں کو بھاگلپور میڈیکل کالج اسپتال میں داخل کرایا گیا ہے جہاں ایک کی حالت نازک بنی ہوئی ہے ۔

ذرائع نے بتایاکہ ضلع کے شیو نارائن پور تھانہ علاقہ کے متھرا پور بھورنجن علاقے میں کل دیر رات ایک کار اور موٹر سائیکل کے مابین سیدھی ٹکر میں ایک نوجوان کی موت ہوگئی اور دیگر ایک شدید طور سے زخمی ہوگیا ۔ متوفی کی شناخت سنداس پور گاﺅں باشندہ رنجیت کمار شرما (24) کے طور پر کی گئی ہے ۔ وہ اپنے ایک معاون کے ساتھ موٹر سائیکل سے متھرا پور گاﺅں سے واپس گھر لوٹ رہا تھا تبھی یہ واقعہ رونما ہوا ۔

زخمی کو بھاگلپور میڈیکل کالج اسپتال میں داخل کرایا گیا ہے ۔ لاشیں پوسٹ مارٹم کیلئے بھاگلپور میڈیکل کالج اسپتال بھیج دی گئی ہیں۔