ریاست بہار کے ضلع کیمور میں اچانک ہوئی تیز بارش اور آسمانی بجلی گرنے سے سی آر پی ایف کے چار جوان ہلاک اور تقریباً 18 لوگ جھلس گئے۔
اس واقعات کے بعد پورے علاقے سنسنی پھیل گئی۔ واقعات ایک ہی جگہ پر رونما ہونے سے ہر طرف غم کا ماحول ہے۔ جیسے ہی متاثرین اور ہلاک شدگان کو بھبھوا صدر ہسپتال لایا گیا،موقع پرسیکڑوں لوگ جمع ہوگئے۔
کیمور: آسمانی بجلی گرنے سے درجنوں گائے ہلاک
اطلاع کے مطابق اچانک بہت تیز بارش شروع ہوئی۔ تیز بارش سے بچنے کے لیے سی آر پی ایف کے جوان سمیت کئی لوگ ادھورا پہاڑی کے پاس موجود گڑکے گاٶں کے ایک پھوس کے مکان میں چھپ گئے لیکن چھپنے والوں کو کیا معلوم تھا کہ موت ان کا پیچھا کر رہی ہے۔ آسمانی بجلی آ ٹپکے گی۔ بارش کے دوران ہی اچانک آسمانی بجلی نے ایسا قہر برپا کیا کہ چار لوگ ہلاک ہو گئے اور قریب 18 لوگ جھلس گئے۔
اس کی اطلاع ملتے ہی سماجی کارکن نیرج پانڈے، بھبھوا رکن اسمبلی رنکی رانی پانڈے اور چین پور رکن اسمبلی برج کشور، سماجی کارکن زماں خان، جاگیشور سنگھ یادو سمیت کئی رہنما حادثے والی جگہ پر پہنچ گئے۔ اس بیچ نیرج پانڈے نے جھلسے ہوئے لوگوں کے بہتر علاج کے لیے رقم سے مدد کی اور لوگوں سے زیادہ سے زیادہ تعاون کرنے کی درخواست بھی کی تاکہ ان لوگوں کا علاج جلد سے جلد ہو سکے۔
