آفت کے وقت کو موقع غنیمت کے طور پر استعمال کر رہی ہے بی جے پی: علی انور

راجیہ سبھا کے سابق ایم پی علی انور انصاری نے بی جے پی کی ورچوئل ریلی کو آفت کے اس دور کو موقع غنیمت کے طور پر استعمال کرنے سے تعبیر کیا ہے۔

وزیر داخلہ امت شاہ کے ذریعہ کی گئی ورچوئل ریلی کو آفت کے وقت کو موقع غنیمت کے طور پر استعمال کرنے کا الزام عائد کرتے ہوئے سابق راجیہ سبھا ایم پی علی انور انصاری نے ای ٹی وی بھارت سے خصوصی ملاقات میں کہا کہ ابھی کیا کیا کھیل ہو گا کسی کو اندازہ نہیں ہے۔

ان کے لئے تو یہ آفت موقع غنیمت میں بدلنے والے ہیں۔ اسے موقع غنیمت میں بدل رہے ہیں، یہ تو سیاست ہو رہی ہے اور یہ مذاق ہے۔

انہوں نے کہا کہ یہ اس ملک کے مظلوموں کے جلے پر نمک چھڑکنے کے مترادف ہے۔ انہوں نے کہا کہ اس ریلی میں بی جے پی نے تقریباً دو سو کروڑ خرچ کیا۔

انہوں نے کہا کہ ابھی تو یہ آغاز ہے، اس کا انجام کیا ہوگا۔ اس کا اندازہ بخوبی لگایا جاسکتا ہے۔

انہوں پی ایم کیئر فنڈ کا سوال کرتے ہوئے پوچھا کہ اس کا یہ جواب نہیں دے رہے ہیں، سپریم کورٹ بھی سوال نہیں کر رہا ہے۔

انہوں نے کہا کہ اب تو جمہوریت صرف کتاب تک محدود ہو کر رہ گئی ہے، عملی طور پر اس کا کوئی وجود نہیں ہے۔ ملک کے لئے یہ بہت خطرناک ہے۔ جمہوریت کے خاتمے کی طرف یہ ملک بڑھ رہا ہے۔