ریاست بہار کے کیمور میں کورونا کے سبب نافذ لاک ڈاؤن کے چلتے غریبوں کے سامنے روزگار کے مسٸلہ در پیش ہونے سے سینکڑوں خاندان کے سامنے کھانے پینے کی قلت پیدا ہو گئی ہے۔
کہیں روزگار نہیں ہونے سے بہت سے لوگوں کے سامنے فاقہ کشی کی بھی نوبت آگئی ہے، وہیں ایسے مسکین اور غریبوں کی مدد کرنے والوں کی بھی کمی نہیں ہے۔
ضلع کے چین پور بلاک کے مان پور بیور موضع میں سماجی کارکن دیوان ارشد حسین خان کی قیادت میں اناج کی تقسیم کی گئی۔
اناج تقسیم مسجد اور مدرسہ صابریہ کی جانب سے کیا گیا۔ اس موقع پر دیوان توقیر خان، نسیم خان، لکشمن شاہ، دیوان لڈن خان وغیرہ نے ضرورت مندوں کے گھر۔گھر جاکر اناج کو تقسیم کیا۔