وزیر اعلی نتیش کمار نے سیلابی حالات کا فضائیہ جائزہ بھی لیا اور ساتھ ہی کئی راحتی کیمپوں کا ازخود معائنہ کیا اور لوگوں کو راحت پہنچانے کے لیے افسران کو ہدایات بھی دیں۔
ریاست بہار کے 16 اضلاع اور 121 بلاکوں کے تقریباً 66.60 لاکھ لوگ سیلاب سے متاثر ہوئے ہیں۔ سیلاب کی اس خطرناک صورت حال میں 19 لوگوں نے اپنی جان بھی گنوا دی ہے۔
حالانکہ کچھ ندیوں کی آبی سطح میں کمی آئی ہے، لیکن گنگا کے آبی سطح میں اضافہ ہو رہا ہے۔ گنگا ندی سے متصل کئی اضلاع پر اب بھی خطرہ منڈلا رہا ہے۔
گنگا ندی کہلگاؤں کے پاس خطرے کے نشان سے اوپر بہہ رہی ہے۔ ریاست کی کئی دیگر ندیاں بھی کئی علاقوں میں ابھی بھی لال نشان سے اوپر ہیں جس سے وہاں کے لوگوں میں خوف و ہراس ہے۔
بہار ڈیزاسٹر مینیجمنٹ ڈپارٹمنٹ نے راحت و بچاؤ کام جاری رکھنے کا دعوی کیا ہے۔ اس بیچ، وزیر اعلیٰ نتیش کمار نے بھی بدھ کے روز دربھنگہ اور گوپال گنج کے کئی علاقوں کا فضائیہ جائزہ لیا ہے اور دربھنگہ کے ایک راحتی کیمپ کا جائزہ بھی لیا۔
بہار واٹر ریسورس ڈپارٹمنٹ کے مطابق، کوسی ندی کے آبی سطح میں کمی آ رہی ہے۔ ویر پور بیراج پور کے قریب جمعرات کی صبح چھ بجے کوسی کا آبی سطح 1.59 لاکھ کیوسک تھا، جو آٹھ بجے کم ہو کر 1.58 لاکھ کیوسک ہوگیا۔
گنڈک ندی کے آبی سطح میں معمولی اضافہ ہوا ہے۔ گنڈک کا پانی رساؤ بالمیکی نگر بیراج پر صبح چھ بجے 1.21 لاکھ کیوسک تھا، جو آٹھ بجے اضافہ وہ کر 1.24 لاکھ کیوسک ہو گیا۔
باگمتی، بوڑھی گنڈک، کملا بلان، گھاگھرا اور گنگا ندی کئی علاقوں میں خطرے کے نشان سے اوپر بہہ رہی ہے۔
بہار ڈیزاسٹر مینیجمنٹ ڈپارٹمنٹ کے مطابق بہار کے 16 اضلاع کے کل 121 بلاکوں کی 1165 پنچایتیں سیلاب سے متاثر ہیں۔ ان علاقوں میں قریب 66.60 لاکھ آبی سیلاب سے متاثر ہے۔ ان علاقوں میں آٹھ راحتی کیمپ بنائے گئے ہیں، جہاں 12 ہزار سے زائد لوگ رہ رہے ہیں۔
نتیش کمار نے راحتی کیمپ کا دورہ کیا اس کے علاوہ سیاب سے متاثرہ علاقوں میں کل 1379 کمیونٹی کچن سینٹرز بھی چلائے جا رہے ہیں، جس میں ہر روز تقریباً دس لاکھ لوگوں کو کھانا فراہم کیا جا رہا ہے۔
نتیش کمار نے راحتی کیمپ کا دورہ کیا ان علاقوں میں مختلف حادثات میں 19 لوگوں کی موت ہو چکی ہے، جس میں سب سے زیادہ سات افراد کی موت دربھنگہ ضلع میں ہوئی ہے۔ اس بیچ 21 پالتو مویشیوں کی بھی موت ہو چکی ہے۔ سبھی سیلاب زدہ اضلاع میں این ڈی آر ایف اور ایس ڈی آر ایف کی ٹیمیں راحت اور بچاؤ کا کام کر رہی ہیں۔ اب تک 4 لاکھ 80 ہزار 884 لوگوں کو سیلاب سے متاثر علاقوں سے بحفاظت محفوظ علاقوں میں منتقل کیا گیا ہے۔
مزید پڑھیں:
سیلاب متاثرہ کنبوں کو گریچوئیٹی کے تحت 6000 روپیہ دیے جا رہے ہیں۔ ابھی تک 3 لاکھ 75 ہزار 547 کنبوں کے بینک کھاتوں میں کل 225 کروڑ روپیے کی رقم بھیجی جا چکی ہے۔ ایسے کنبوں کو ایس ایم ایس کے ذریعے سے اطلاع بھی کی گئی ہے۔
