مونگیر میں ایک ہی کنبہ کے پانچ افراد قتل

مونگیر ضلع میں دل دہلادینے والا واقعہ سامنے آیا ہے،جہاں ایک ہی کنبہ کے پانچ لوگوں کا قتل کردیا گیا۔ جس سے علاقے میں سنسنی ہے۔

ضلع مونگیر کے تھانہ کھڑگپور علاقہ کے کنہیا ٹولا محلہ میں ایک ہی کنبہ کے پانچ افراد کے قتل سے علاقے میں سنسنی ہے۔

بتایا جاتا ہے کہ کھڑگپور تھانہ علاقہ کے کنہیا ٹولہ محلہ میں ایک نوجوان نے اپنی ماں، اہلیہ اور تین بیٹیوں کا بہیمانہ طور پر قتل کردیا۔

واردات کو انجام دینے کے بعد ملزم نوجوان نے خودکشی کی بھی کوشش کی جس میں وہ ناکام رہا۔ جس کے بعد آس پاس کے لوگوں نے واردات کی اطلاع پولیس کو دی۔ پولیس نے موقع پر پہنچ کر نوجوان کو گرفتار کرلیا ہے۔

واردات کو انجام دینے کے بعد نوجوان گھر میں ہی پانچوں لاشوں کے پاس بیٹھا رہا۔ حالانکہ ابھی تک قتل کی وجوہات کا کچھ بھی پتہ نہیں چل سکا ہے۔ فی الحال پولیس نوجوان سے پوچھ گچھ کررہی ہے۔