مشرقی چمپارن میں پانچ بچوں کی ڈوب کر موت

بہار میں مشرقی چمپارن ضلع کے چکیا تھانہ علاقہ میں پانی بھرے گڈھے میں ڈوب کر پانچ بچوںکی موت ہوگئی ۔

پولیس ذرائع نے جمعرات کو یہاں بتایاکہ پھلوریا گاﺅں کے کچھ لوگ بدھ کی دیر شام ایک شخص کے آخری رسوم میں شامل ہوکر لوٹنے کے دوران وارڈ نمبر ایک واقع پوکھر میں غسل کر رہے تھے تبھی پانچ بچے گہرے پانی میں چلے گئے ۔ بچوں کی تلاش کی گئی لیکن ان کا کوئی پتہ نہیں چل سکا ۔
ذرائع نے بتایاکہ این ڈی آر ایف کی ٹیم کی مدد سے جمعرات کی صبح پانچوں بچوں کی لاش برآمد کرلی گئی ہے ۔ مرنے والوں کی شناخت وینود بھگت کے بارہ سالہ بیٹے پرویش کمار ، رام ناتھ پرساد کا اٹھارہ سالہ بیٹا دیپک کمار ، ، شمبھو بھگت کا 12 سالہ بیٹا عاشق کمار ، شیوناتھ بھگت کا بارہ سالہ بیٹا ویشال کمار اور روپ لال ٹھاکر کے سولہ بیٹے روی کمار کے طور پر کی گئی ہے ۔

چکیا ڈپٹی پولیس سپرنٹنڈنٹ شیلندر کمار نے معاملے کی تصدیق کرتے ہوئے بتایاکہ این ڈی آر ایف کی ٹیم اور مقامی پولیس نے بچوں کی لاش کو آج باہر نکال لیا ہے ۔ لاشیں پوسٹ مارٹم کیلئے بھیجی جارہی ہیں ۔