کیمور: بچوں کے جھگڑے میں چلی گولی، ایک نوجوان زخمی

ریاست بہار کے ضلع کیمور میں بچوں کے جھگڑے میں گولی چلنے سے ایک نوجوان کے زخمی ہونے کی اطلاع ہے۔

اس بابت ملی اطلاع کے مطابق یہ معاملہ چاند تھانہ کے گاؤں سریہرا میں رونما ہوا ہے۔ بتایا جاتا ہے کہ سریہرا گاٶں میں آپس میں کھیل رہے بچوں کے بیچ جھگڑا ہو گیا۔ جس میں دونوں طرف سے بچوں کے والدین الجھ پڑے۔ تبھی ایک طرف سے چلی گولی میں ایک نوجوان زخمی ہو گیا۔ جس کا علاج پراٸمری ہسپتال چاند میں کرائے جانے کے بعد ڈاکٹروں نے بنارس کے لیے ریفر کر دیا ہے۔

اس سے متعلق چاند تھانہ کے ایس ایچ او نے بھی گولی چلنے کے وقوع کے بارے میں بتایا۔ انہوں نے کہا کہ مزید تفصیلات کا انتظار کیا جا رہا ہے۔