مدھوبنی پارلیمانی حلقہ سے عظیم اتحاد کے تحت وی آئی پی پارٹی کے امیدوار پدری کمار پوروے کی حمایت میں حزب مخالف لیڈر تیجسوی یادو نے آج مدھوبنی کے پندول کے لوہٹ میدان میں عام انتخابی اجلاس سے خطاب کرتے ہوئے کہا کہ یہ وقت آئین بچانے کا ہے۔
اس وقت دو نظریہ کام کر رہا ہے ایک وہ جو ہندوستان میں امن و شانتی اور بھائی چارہ چاہتا ہے، دوسرا وہ جو یہاں ایک خاص نظریہ تھوپنا چاہتی ہے. مگر ہمارا نظریہ ہے یہ ملک ایک سیکولر ملک ہے، یہاں آئین کے مطابق سبھی مذہب کے ماننے والوں کو اپنے مذہب کے مطابق عمل کرنے کا پورا حق ہے۔
تیجسوی یادو نے کہا کہ لالو جی کو جان بوجھ کر پھنسایا گیا، لالو جی سے ہمیں ملنے نہیں دیا جاتا۔ آج اگر لالو یادو باہر ہوتے تو بی جے پی والوں کی بہار سے چھٹی ہو جاتی۔ انہوں نے کہا کہ مودی ایک طرف واہ واہی لوٹٹے ہیں جبکہ آج بھی ہمارے جوان مارے جا رہے ہیں۔
انہوں نے کہا کہ مدھوبنی میں عظیم اتحاد کا امیدوار تاریخ ساز فتح حاصل کرے گا۔ تیجسوی نے کہا کہ یہاں کانگریس کے صرف ایک امیدوار ہے جو اتحاد کا ہے، اس کے علاوہ دوسرا کوئی نہیں. دوسرے جو بھی وہ صرف ووٹ کاٹنے کا کام کر رہے ہیں. اس لئے آپ لوگ متحد ہو کر عظیم اتحاد کو ہی ووٹ کریں اور مرکز میں بی جے پی حکومت بننے سے روکیں۔
اجلاس سے خطاب کرتے ہوئے کہا کہ پدری کمار پوروے نے کہا کہ گزشتہ دس سالوں میں مدھوبنی میں کچھ بھی ترقیاتی کام نہیں ہوئے۔ میں پوچھنا چاہتا ہوں بی جے پی کے لوگ اپنے کام کی بنیاد پر ووٹ کیوں نہیں مانگ رہے، صرف پاکستان کا نام استعمال کر رہے ہیں. اجلاس سے خطاب کرنے والوں میں ایم ایل اے ڈاکٹر فیاض احمد، کانگریس ضلع صدر ستلمبر جھا ، منوج یادو، ڈاکٹر فردوس علی وغیرہ کے نام شامل ہیں۔
