اردو

urdu

ETV Bharat / state

کیمور: ضلع انتظامیہ کے فیصلہ سے کسان مایوس - لاک ڈاؤن

بہار کے کیمور سے کسانوں کے لیے مایوس کن خبر سامنے آرہی ہے۔ ضلع انتظامیہ نے گیہوں کی کٹائی میں لگے ہارویسٹر آپریٹروں کو قرنطینہ مرکز بھیجنے کا فیصلہ کیا ہے۔ جس سے کسانوں میں کافی مایوسی دیکھی جارہی ہے۔

farmers disappointed with the district administration's decision in kaimur bihar
ضلع انتظامیہ کے فیصلہ سے کسان مایوس

By

Published : Apr 12, 2020, 12:14 AM IST

ریاست بہار کے ضلع کیمور میں لاک ڈاؤن کے دوران ضلع انتظامیہ نے سماجی دوری بنا کر کسانوں کو گیہوں کی کٹائی کرنے کا حکم دیا تھا۔ ساتھ ہی محکمہ زراعت سے رجسٹرڈ یا پرمٹ شدہ ہارویسٹر سے جلد سے جلد گیہوں کی کٹائی کرنے کا حکم دیا تھا۔ کسان گیہوں کٹائی میں لگ گئے تھے۔ کھیتوں میں گیہوں کی فصل پک کر تیار ہے۔ کبھی موسم کی بے رخی کبھی گرم یوتے موسم کے ساتھ آگ لگی جیسے واقعات سے فکر مند کسان بھی جلد سے جلد گیہوں کی کٹائی کر تیار فصل کو اپنے گھر لے جانا چاہ رہے ہیں۔

ضلع انتظامیہ کے فیصلہ سے کسان مایوس

محکمہ زراعت نے 225 ہارویسٹر مالکان کو کیمور میں گیہوں کی کٹائی کے لیے اجازت دیا تھا۔ لیکن اب ضلع انتظامیہ نے سبھی ہارویسٹر آپریٹر خاص کر جو باہر سے آٸیں ہیں انہیں اب 14 دن کے لیے قرنطینہ مرکز بھیجنے کا فیصلہ کیا ہے ۔ ضلع انتظامیہ نے اس بابت ہارویسٹر مالکان کے ساتھ بیٹھک کر بھی صاف الفاظ میں کہا ہے۔ ضلع انتظامیہ کے اس فیصلہ سے کسانوں میں زبردست مایوسی ہے۔ کسانوں کا کہنا ہے کی تھوڑی سی غفلت ہوئی تو کسان کی محنت برباد ہو جائے گی۔ لاک ڈاؤن کے دوران کام بھی بند ہے۔ سال بھر فاقہ کشی کے لیے مجبور ہونا پڑے گا۔

ABOUT THE AUTHOR

...view details