زرعی قوانین کے خلاف کسان کے بچوں کا مظاہرہ

آکاش پٹیل نے کہا کہ 'ہم سب کسان کے بیٹے ہیں اور ہم سب کو معلوم ہے کہ ہمارے بڑے کس طرح سے محنت کر کے فصل کی پیداوار کرتے ہیں اور جب یہ فصل تیار ہو جاتی ہے تو اسے کم قیمت پر فروخت کرنے پر مجبور ہونا پڑتا ہے۔'

ریاست بہار کے کیمور ضلع میں کسان کے بچوں نے زرعی قوانین کے خلاف مظاہرہ کرتے ہوئے دہلی میں ہو رہے احتجاج کی حمایت کی۔

اطلاعات کے مطابق بھبھوا بلاک کے بہوان موضع میں آج کسان کے بچوں نے 'آکروش مارچ' نکالا۔

مظاہرے کی رہنمائی کر رہے آکاش پٹیل نے کہا کہ 'مرکزی حکومت کسان کے مخالف زرعی قوانین کے فوائد بتا رہی ہے، اصل میں اس قوانین سے کسانوں کو کوئی فاٸدہ نہیں ہے۔'

آکاش پٹیل نے کہا کہ 'ہم سب کسان کے بیٹے ہیں اور ہم سب کو پتا ہے کہ ہمارے بڑے کس طرح سے جی توڑ محنت کر فصل کی پیداوار کرتے ہیں اور جب یہ فصل تیار ہو جاتی ہے تو اسے کم قیمت پر فروخت کرنے پر مجبور ہونا پڑتا ہے۔'

انہوں نے کہا کہ 'کسانوں کو اناج کی صحیح قیمت تو مل نہیں پاتی ہے، منافع کہاں سے آئے گا۔ ہم سب کی تعلیم بھی فصلوں پر ٹکی ہے۔'